黎振燁同朱智賢，鬼鬼祟祟去到山旮旯偷食……蛋糕，被斷正後神色慌張、回應吞吐，二人咩關係？唔使畫出腸。
男嘅有老婆，仲大埋肚就嚟生得。女嘅有男友，一樣係大台藝人叫謝東閔，不過偷食完嘅朱智賢就死口唔認二人拖友關係，只稱與謝東閔份屬「朋友」。
「朋友」謝東閔，喺武漢肺炎疫情肆虐香港前，仍然常伴朱智賢左右，一切如常咁二人世界行街睇戲。不過朱智賢經常顧住撳電話，眼尾都唔睄「朋友」謝東閔一下，或者最多睄一下啦，好忙咁喎。
據知因合作劇集《食腦喪B》，朱智賢同黎振燁拍感情戲、戲假情真、撻著萌芽。難為謝東閔拎埋銀包出嚟，又親自排埋隊，簡直出錢又出力，最後只得到好人咭一張，稱之為「朋友」。
近日謝東閔忙於宣傳新歌《最冷的一天》，然後得到上述惡耗，都咪話唔應景、咪話唔傷心！好彩，仲有班fans安慰，仲大鬧朱智賢好搞唔搞，搞人老公，話一早覺得佢唔係好女仔。
朱智賢都算好嘢喇，2016年時承認有個於中環開餐廳嘅男友，但2017年就傳出搭上有錢仔謝東閔，話晒謝東閔成家都係老闆，老竇開髮型屋，阿媽開外傭介紹所，自己就開按摩店。自此，朱智賢同謝東閔就不時被影到情侶裝出巡，而當女方被指拜金，男方必定9秒9衝出護花，更愛屋及烏幫忙照顧朱智賢年老患病的愛犬。謝東閔付出咁多，只得個「朋友」身份，而且朱智賢生日食蛋糕都唔預佢，仲要避到去山旮旯偷食，認真可憐。
順帶一提，除咗今次有婦之夫黎振燁，暗嗒同事謝東閔女友朱智賢，仲有：黃子恆偷食人妻裕美，又被爆與大陸女fans發生性行為，女方更指因而懷孕；楊明曾襲擊夜店保安被判守行為，殊不知守行為期間又帶醉刑毀，破壞便利店；張振朗與陳芷尤拍拖人人皆知，卻三年都不承認女方身份，還不時與女藝人傳緋聞，以致最後陳芷尤忍痛離場。睇嚟，《機場特警》班阿Sir，個個私生活都立立亂，唔講仲以為好似咸酸菜炒牛歡喜一樣，係定律。難怪班網民都少有大讚TVB劇集，終於寫實返一次。
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|