被封「性女」的前港姐楊斯雅（Cindy）被爆搶人老公，為已婚的前無綫藝人Samuel陳光耀（原名：陳宇翔）誕下一對孖仔，Cindy死撐「老公」一早跟J小姐（化名）搞離婚，只是律師在2012年「忘記遞上法庭」，聲稱J小姐出示2017年的結婚證書「可以係P圖」，更指控J小姐沒有為Samuel生女，小女孩只是親戚女兒云云。
身為正室的J小姐直斥有人「大話冚大話」，昨日更現身接受《蘋果》訪問，直言感到委屈才出來澄清：「都有嬲，諗住出完單新聞大家唔出聲就算數，自己唔想再講，攬住仇恨係冇意思，佢係要迫我出嚟講都冇辦法，但我唔會特別去攻擊人。」對於被指與Samuel的結婚證書是P圖，J小姐說：「我對呢樣反應好大，我唔係話佢話我假，係一個好大嘅指控，我會惹官非，偽造虛假文書係大罪，如果真係有證據，你可以進行一啲法律程序，可以做一啲嘢唔係得把口喺度講，影響到我嘅聲譽，雖然我係普通人一個。」
J小姐更拿出女兒由澳門特別行政區民事登記局發出的「出生登記之敍述證明」正本，父親一欄是陳宇翔，而女兒亦是姓陳。J小姐直言有質問過Samuel為何不認女，J小姐說：「其實我都有問過男嘅，佢話唔係佢自己講，我都覺得好荒謬，如果你想知係唔係，大不了驗DNA，或者最簡單睇出世紙。」無論如何，小朋友是無辜，J小姐表示已取得女兒撫養權，律師正為她安排，Samuel亦承諾負擔女兒日後的經濟支出。而女兒今年只有兩歲，自己亦有向她解釋爸爸不會返屋企，只會有時間才見面，她說：「都要同佢解釋，因為細路仔都會見到屋企變化，有少少擔心囡囡日後成長，但係對自己有信心，屋企有好多人幫我手。」
Samuel跟J小姐結婚後，同年公然與Cindy擺酒，有否考慮控告二人通姦？J小姐淡然說：「之前㷫到頭上嘅時候都有諗過，但係之後覺得唔好咁執着一樣嘢，嗱嗱聲還大家自由，斷絕關係就算，我都有問過律師個程序都好長，我都唔想阻住自己過新生活。」J小姐表示去年10月自己提出離婚，一直分居至今，日前已正式簽紙離婚：「有啲細節上嘅嘢未搞掂，但應該都好快。」問到是否已釋懷？她說：「其實我哋都分居咗大半年，經濟上佢有照顧屋企，雖然唔係好準時，但佢都有做返爸爸嘅角色，都有返嚟屋企，有一樣嘢係唔可以抹殺，好多大日子佢都同我哋一齊，以前大肚每一次產檢都喺度，都陪住我，都有做到佢自己嘅責任。」已原諒Samuel？她續說：「冇話原唔原諒，事情都發生咗，只可以講，我唔可以同佢做到朋友。」享齊人福走錯方向？她說：「我同佢好細個已經識，當時覺得佢唔係好壞，會覺得好可惜。」
對於Cindy搶人老公，J小姐至今仍然氣憤：「我梗係嬲啦，我10年青春呀！係呢樣嘢嬲，如果佢直接同我講呢個男人我要咗，你唔好搞，或者男家屋企人做吓好心話我知，都唔使搞到而家咁。」
採訪：張明
攝影：陳慧安
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|