幸福背後…
有「凍齡男神」之稱嘅台灣男星林志穎，帶埋老婆陳若儀（Kelly）及媽媽參與嘅大陸真人騷《婆婆與媽媽》最近播出，節目公開佢哋夫妻及婆媳之間嘅相處方法！
模特兒出身嘅陳若儀婚後淡出娛圈，今次激罕公開亮相，喺節目其中一幕，當佢準備出去話幫奶奶買衣服時，林志穎就表示想一齊去，陳若儀連忙拒絕，堅持只要自己去：「你去……我壓力很大。」
事後佢受訪時，談到結婚10年來，「林志穎老婆」呢個身份令佢壓力好大，受訪時更忍唔住落淚，坦言結婚後好容易崩潰：「這10多年一直會被輿論攻擊，長得醜呀、你憑甚麼嫁給他呀、你有甚麼才能呀、你暴牙……就是各種人身攻擊，萬箭穿心。」
不過佢話最難捱嘅時間已經過去，當諗起呢啲惡評時，都會有啲擔心，甚至後悔拍呢個節目，而深明愛妻困境嘅林志穎就安慰對方要放鬆啲：「做自己就好我們是要呈現給支持我們的人看的。」
來源 source: http://hk.on.cc
|
鍾意就快D Share啦！
|
|
|
