咁大手筆呀！
藝人袁偉豪及張寶兒聯名買樓，唔通要嚟築愛巢，為結婚準備？據土地註冊處顯示，袁偉豪同張寶兒以聯名形式，以6,568.3萬元買入清水灣豪宅新盤傲瀧一個花園複式單位，實用面積2,205平方呎，連568平方呎私人花園，呎價近3萬！另外，佢哋再以400萬買入兩個車位，加加埋埋使咗約7,000萬！其實，張寶兒喺2017年時已經購入傲瀧一個細單位，早前先將物業轉畀媽媽。今次袁偉豪以首置身份入市，印花稅繳稅279萬元。
東網問到袁偉豪買樓一事，佢話：「係畀大家將來用，當大家一齊投資，自住又好投資又好，係一個開始！（愛巢都買埋，幾時好日子？）有好消息會通知大家。」咁啱今日係袁偉豪正日生日，真係一份大禮呀！
寶兒受訪時話：「今次兩個一齊置業，呢個單位價值不菲，唔係一個人就畀到，大家都要努力搵錢，畀大家未來有個目標。（今日男友生日，有咩驚喜畀佢？）呢個新聞已經係一個驚喜！（下半生交畀袁偉豪？）個單位雖然價值不菲，但我先係無價！（好日子定咗未？）有好消息再同大家報告。」
來源 source: http://hk.on.cc
|
鍾意就快D Share啦！
|
|
|