2020年5月13日星期三

首跟B女慶祝母親節　許芷熒獲老公送驚喜爆喊 #許亦妮 #許芷熒

首跟B女慶祝母親節　許芷熒獲老公送驚喜爆喊

許芷熒跟囡囡渡過的首個母親節，獲老公Alexander送上多個驚喜。

許芷熒（Whitney，前名許亦妮）今年2月誕下女兒「馮寶寶」，母女倆在剛過去的周日一起渡過了第一個母親節，其丈夫馮家柱（Alexander Fung）就好識做，準備了一大束繡球花外，還親自下廚整晚餐、製作Poster兼代囡囡寫卡送給她，Whitney留言：「老公用自己左手寫，扮BB寫字～睇到我流曬（晒）眼淚。」

對於第一年做母親，Whitney直言是開心、幸福的，又認為每日時間永遠都不夠用，她寫道：「每天除了照顧寶寶，照顧老公，買餸煮飯，一有時間又想同囡囡玩下，玩完又想幫她影相，影完又想剪下片，跟住又要有下自己私人時間上下網……又要陪下老公，跟住又想陪下個女……每日循環Loop……雖然係好忙，冇乜自己私人時間，但每日佢都會喺我心口度瞓……我都覺得佢越嚟越重，見到囡囡每日逐漸長大，我自己都好開心，覺得好感動！唔想佢大得咁快。寶寶～希望下個母親節，你已經識得講媽媽I love You。」並笑謂今年跟老公、囡囡，以及媽咪、奶奶、嫲嫲分別慶祝一次母親節，認真忙碌！