真係好變態！
大陸女星楊冪鍾意着oversize熱褲或者緊身褲晒佢對激幼筷子腳，可能就有變態之徒睇中呢一點，偷拍佢熱褲下的春光，網民都鬧爆偷拍者行為變態！
日前楊冪為新劇開工，着上長tee配白色熱褲，戴住口罩及帽遮樣，一落車就有幾個圍觀人士舉機影佢，但點都估唔到有人匿喺帳篷下面，喺條罅隙伸出部電話，低炒偷影楊冪褲底春光。
更過分嘅係，對方更將照片放上微博炫耀，照片曝光後，楊冪粉絲瘋狂tag楊冪工作室的微博，大鬧有人蹲低用手機偷拍楊冪褲底，希望她的經理人公司關注事件，而粉絲都將「楊冪遭代拍惡意拍攝」推到上微博熱搜榜。網友都留言建議楊冪報警。
《斛珠夫人》劇組發聲明，希望粉絲尊重每位演職人員以及劇組的嘅辛苦付出，誠懇呼籲理智追星、安全為重。嘉行楊冪工作室隨即轉載：「 維護拍攝秩序，保護演員隱私，安全永遠是第一位，堅決抵制一切不文明不正規的行為。」
來源 source: http://hk.on.cc
|
鍾意就快D Share啦！
|
|
|