掃呢頁CODE去手機

2020年5月5日 星期二

【隔離酒店倒灌糞廁│衞生署射波】鄭敬基好友驚訝:酒店職員話就算洗咗都一樣有倒灌 #鄭敬基

【隔離酒店倒灌糞廁│衞生署射波】鄭敬基好友驚訝:酒店職員話就算洗咗都一樣有倒灌8小時前香港抗疫有功,至今錄得多日本地零確診,當然全靠港人自救戴口罩,做 ...




  • 【隔離酒店倒灌糞廁│衞生署射波】鄭敬基好友驚訝:酒店職員話就算洗咗都一樣有倒灌
  • 8小時前




香港抗疫有功,至今錄得多日本地零確診,當然全靠港人自救戴口罩,做足防備,而非慢九拍的政府功勞。

今日鄭敬基好友Fiona,在facebook平台叫「飛mum證」的設計師,昨晚從加拿大返港,在機場檢疫安排順暢又快捷,但被衞生署安排入住,等候檢疫結果的九龍城富豪東方酒店,就發生令她崩潰事件。

今早Fiona跟鄭敬基分享時,鄭敬基劈頭第一句:「今次原想讚下政府(檢疫過程),但佢揀咗間酒店係令到你(Fiona)想嘔,有咩事發生呢?」

戴上手帶,在富豪酒店等候結果的Fiona,邊描述邊想作嘔:「唉,我未見過一件咁核突嘅事,尋晚入到去(住一晚)好攰,想搞好清潔然後入睡,沖完涼就去洗手間,跟著打開(廁所板),呀……見到一個好似煙花嘅場面(一埋糞便),似停留(定格)煙花,在廁所裡。(鄭:驚你會嘔!)依家重提仍然好大壓。

她說呆了數秒才懂反應:「因為冇諗過畀人做檢疫(地方),酒店都要乾淨,後來睇咗五秒,即刻冚返蓋(廁板),我諗點算好,酒店有張紙條,寫住:『現在無任何room servies』,但有任何問題就打個零字(接待處),於是我就打去,同工作人員講:『你地有冇工作人員可以嚟洗下個廁所?』,『我哋(職員)唔入得嚟!』,於是告之佢廁所裡嘅「煙花」情況。

佢話呢個幫唔到你,我哋酒店嘅喉管係有倒灌情況。(說到此,佢同鄭基敬都大叫:Shxx)我真係想嘔,咁即係點,佢話就算洗咗,個廁所都會有呢個倒灌情況,係會有屎。(鄭:終於講到,繼續啦),我問間間房係咪都係咁?佢(職員)話係呀!間間都係咁。」估唔到,大半年香港出現大量浮屍,依家檢疫都遇上浮屎。

Fiona當刻崩潰,沒有第一時間拍下檢疫遇上的驚嚇場面,只狂按製沖廁,但沖廁多次,酒店坐廁依然不能完全沖走浮屎「殘餘」,相當嘔心。她曾要求換房,但都不得要領。

鄭敬基續說:「咁唔得喎,呢個唔係單單酒店問題,呢個係政府問題,因為呢個菌,除咗唾液同空氣,專家同學者都話糞便都有可能傳播。」他叮囑Fiona要跟衛生署講,被安排做檢疫等候的酒店,出現此問題:「以後唔好安排嚟嗰度。」

「我有諗,點解我咁幸運遇到,呢個檢疫已行咗一段時間,點解冇人講,我又唔知,但酒店啲職員剛說呢個係解決不到嘅問題。昨晚點算呢,我沖咗好多次,直至啲(屎)跡冇咁多黐住(屎搭內),我就唯有凌空不接觸之下(無影櫈),去咗一次廁所,然後冚蓋,到今日我仍然未去廁所。我一陣試下打呢個電話,睇下能否解決到,要反映一下。」

Fiona跟記者稱,昨晚致電衞生署及手戴上提供的電話,可能適逢假期及晚上放工時間,整晚冇人接聽。不過今早再致電,獲得的回覆是…..射波。「手戴上提供嘅電話,有關部門就話唔係佢哋負責,叫我打去衛生署,但衞生署又話唔係佢哋負責,叫我搵番酒店,而酒店職員回覆,話呢個係酒店天先性問題。」

困在有廁所倒灌問題的酒店房,等候檢測結果,她如坐針氈:「糞便有散播風險,其實我驚架!」,好不容易等到中午,衞生署回覆Fiona結果屬陰性反應後,她說衞生署態度變得積極,作出跟進。Fiona:「之後衞生署主動打畀我,話了解下件事,佢話酒店原來唔係唔可以轉房,咁可能今早接觸嘅工作人員(酒店),佢話冇分別,唔知點解。衛生署好好,知道檢測結果呈陰性後,佢話盡快幫我辦妥手續,快啲離開。」

本刊致電富豪東方酒店查詢了解,接線生叫留電話待公關同事回覆。

----------------------------

APP 內 1-Click 訂閱

按此了解更多

-----------------------------

【昔日紙本檔案庫】

30年壹仔經典 壹壹重現!

+9


鍾意就快D Share啦!