【冇獎心淡？】專注照顧家庭和生意 楊秀惠親認賠錢提早離巢
近日，楊秀惠憑熱播劇《十八年後的終極告白》飾演啞妹一角，終獲網民激讚演技大爆發，惜今日有消息傳出，效力TVB 16年的她決定賠錢提早離巢！
據悉，自處女劇《赤沙印記@四葉草.2》擔正後，雖然秀惠於《鬼同你OT》、《大帥哥》等劇集都表現突出，但大多數均扮演一些嫵媚狐狸精角色，且多次提名女配角都食白果，亦令她心灰意冷，加上早前計劃跟圈外男友結婚、生B，本身投資的美容事業又愈做愈大，年賺過千萬的秀惠都不想再演姣精，希望專心搞生意和造人，故已去年中賠錢提早走。而TVB方面，當時也再三挽留，雙方亦決定再簽約一段時間，無奈剛於馬來西亞產女的秀惠，因疫情而滯留當地大半年，至今仍無法回港宣傳新劇，近日要開源節流的TVB終改變初衷，讓對方提早解約。
對此，秀惠回覆傳媒時承認已跟TVB結束賓主關係，並謂會投放更多時間照顧家人和生意，但日後有好劇本或有趣合作都會參與。至於被問到是否覺得TVB欠她一個獎？秀惠說：「又唔會，始終獎項係需要好多方面唔同嘅因素配合，都係平常心，最緊要係做好自己。」
剛才她亦於社交網出Po交代，秀惠「多謝大家一直以來的支持。我和TVB的合約在早一段時間已經結束了。首先想多謝TVB一直以來都給了我很多機會，是我去香港以後一直工作的公司，很感恩，係（喺）呢兩年間TVB不斷安排左（咗）好多好好嘅劇集角色畀我，亦都有飛去外地嘅旅遊節目同其他唔同嘅節目主持工作畀我，但因為我真係時間上配合唔到，所以都未能參與，覺得好唔好意思。非常感謝TVB以及所有同事咁多年來嘅幫忙，請原諒我無法親自一一謝謝你們，非常感謝。之後我會繼續努力，照顧好家庭和生意。希望大家會繼續支持我。」
來源 source: http://hd.stheadline.com
|
鍾意就快D Share啦！
|
|
|
