掃呢頁CODE去手機

2020年5月8日 星期五

羅志祥:宣布復出?羅志祥凌晨留言:請等我回來 #羅志祥

道歉記招都未開就復出,會唔會快咗啲?內地紅周揚青早前出招玩毀滅性分手,大爆前男友台灣舞王羅志祥(小豬)嘅荒淫史,男方隨即由大眾偶像變成世紀渣男人人聲討 ...




道歉記招都未開就復出,會唔會快咗啲?


內地紅周揚青早前出招玩毀滅性分手,大爆前男友台灣舞王羅志祥(小豬)嘅荒淫史,男方隨即由大眾偶像變成世紀渣男人人聲討,佢除咗公開發文道歉同希望大家唔好攻擊佢媽咪之外,都係保持潛水狀態,凌晨時段佢突然上水,喺社交網留言:「請等我回來!」唔通係佢嘅復出宣言?


荒淫事件爆出之後雖然小豬嘅形象跌到落谷底,但係仲有一班忠粉力撐,佢哋喺社交網Po出小豬過往嘅演出片段打氣鼓勵偶像,喺凌晨小豬用佢嘅帳號現身留言:「謝謝你,請等我回來」,呢個留言喺短短一個鐘已經吸咗1.7萬個讚,就連前女友周揚青嘅社交網小號都有畀讚,令佢哋之間嘅關係更加撲朔迷離,不過有網民推測周揚青只係錯手之舉,隔咗冇耐,周揚青果然收番個讚!


小豬呢句留言好明顯係宣告想復出,但係大部分佢有份參與嘅節目及廣告等,都已經決絕斬纜踢咗佢走,而且好多網民都留言表明唔支持佢復出,有人就提議佢先開一個正式嘅道歉記招,之後走行善之路洗白,隔一段時間等件事淡咗先至復出會比較好。



來源 source: http://hk.on.cc
鍾意就快D Share啦!