崔建邦點講？
藝人崔建邦（Amigo）為師傅彭家麗（Angela）加盟新唱片公司擔任司儀，同時他亦宣布加入該公司擔任創作及製作總監一職。任職首個任務就是幫Angela的新歌MV做監製：「係第一次做監製，大家都知我之前有一年做電視劇助導經驗，都想學做幕後，想喺幕後發展。」
談及前主播陳嘉倩近日揞名爆有「全能男藝人」借醉Send短訊求愛，而有傳「男藝人」是他，他聞言即封口：「唔係事實嘅嘢唔回應，今日係大好日子，嚟到呢到好開心。（傳你之前有狂追陳嘉倩？）唔回應（依家成為嫌疑人？）呢啲娛樂新聞日日都有，唔關我事就唔講啦。（覺得被人借做宣傳？）唔答今日女友同佢細佬都有嚟捧場。（宣示主權？）我就職佢戥我開心。」
另外，講到疫情之下，現場近半百名嘉賓無罩上陣，於台上發言又共用一支咪，最後遞到Amigo手中再用，他聲稱：「有工作人員消毒嘅。（冇呀？！直接再用。）咁就要小心啲，最緊要健康，本來見市況好番啲都鬆一口氣，點知又再爆都幾Sad，會提點自己多啲。」
來源 source: http://hk.on.cc
|
鍾意就快D Share啦！
|
|
|