2020年8月25日星期二

【仲咁索】入行17周年「逆齡」李施嬅望與觀眾白頭到老 #李施嬅 #李詩韻

【仲咁索】入行17周年「逆齡」李施嬅望與觀眾白頭到老

入行17年，現年39歲嘅李施嬅依然咁靚。

TVB神劇《金宵大廈》將李施嬅、陳山聰事業推上高峰，二人將於月底回歸拍攝《金宵大廈2》，雖然今次施嬅唔再係Alex同Coco身份，但同樣要一人分飾兩角，𠵱家李施嬅正用心睇劇本中。

原來現年39歲嘅李施嬅(原名李詩韻)係2003年港姐，當年冠亞季軍分別係曹敏莉、楊洛婷及戚黛黛，李施嬅只能奪得「最上鏡小姐」及「才藝小姐」獎項。唔經唔覺，李施嬅入行經已有17年，噚日她喺IG發文，透露是她入行17周年的日子，還笑言10歲入行！李施嬅留言：「不經不覺，原來今日是入行17年週（周）年。（十歲就入行...可能計數有啲問題）想對粉絲說：謝謝你們一直堅持愛我。對某些粉絲來說，是一個好長的誠（承）諾。希望可以一齊繼續成長，一起白頭到老。想對自己說：繼續努力啱啱先開始。#thankyouForYourLove #grateful #OnlygettingStarted #823」

李施嬅獲唔少Fans留言祝她17周年快樂、加油，永遠支持你！有網民質疑她是否真的所寫的10歲入行？亦有唔少回應話好想睇《金宵大廈2》。