- 【天淵之別】57歲顧紀筠難忘與關之琳拍劇 ：佢又靚又識打扮，自己就好似乞兒
- 2小時前
1979年，顧紀筠參加當年麗的電視舉辦的《慧眼識新星》選舉入行，當年只得17歲，加入電視台並不是因為發明星夢，而是受訓期間可得到一千二百元的月薪。顧紀筠當時與麗的簽了兩年合約，「完約後，麗的電視剛易手俾澳洲幫，原先傾好續約，月薪加至四千元，但澳洲幫入主後話無budget，減至二千幾元。」當時只得19歲的顧紀筠，認為再簽兩年約也未能賺到更多錢，於是由朋友介紹下轉做珠寶櫥窗設計。
- 顧紀筠於80年，曾在公開活動中與張學友同台做嘉賓。
- 入行後兩年，顧紀筠認為自己條件有限，不想蹉跎歲月，所以由朋友介紹下轉做珠寶櫥窗設計。
唔想蹉跎歲月
澳洲幫接手麗的後，未幾便被商人邱德根全面收購：「邱生個仔搵我回巢，不過我話自己本身已經有一份工作，唔會放棄，就係咁樣，所以只係負責星期六、日的體育節目。另外，因為唔希望成為一個全職藝員，所以亦唔會拍劇。」當時顧紀筠年不過是20出頭，但已經很有想法，在娛樂圈未必賺到錢，要搵更多錢，她寧願多打幾份工。- 因表明立場不會當全職藝人，顧紀筠被安排主持體育節目。
- 入行後，顧紀筠因為不想花錢置裝，所以打扮仍然樸素。
- 出身貧困的顧紀筠，自小要照顧弟弟，又日打三份工，所以比同齡女子成熟。
- 甚少拍劇的顧紀筠，偶爾也會在劇集客串一角。
對方真係好靚
日做三份工，除了工作就工作，顧紀筠形容當時生活就如修煉，捱足6年，她終於在21歲買入人生第一個物業。買磚頭然後再樓換樓，成功脫貧，開始見到人生曙光。一直視演藝事業為兼職，對於初出道時，連買衫錢都無，顧紀筠自嘲：「最初拍第一、二套劇時，拍檔係關之琳，而家見番姐姐都會攞啲相出嚟笑，佢著嘅衫同我著嘅衫，我覺得自己好似乞兒咁，因為佢真係好靚，又識得打扮、有品味，屋企又有錢資助，我同一齊顯得好襤褸，嗰個年代冇置裝費，又無贊助，當然最主要係我無錢。」後來，有位監製跟顧紀筠說，如果她出道時懂得打扮，應該早已經走紅。「我以前係無呢個能耐，亦都無能力，所以人生好多事情，你覺得能夠得到，其實亦同時放棄咗一啲嘢，先可以得到另外一啲嘢。」她說。
- 有才女之稱的她， 01年開始寫專欄出書，至今出過十本書。
- 由汪明荃、毛舜筠、林建明、顧紀筠、馮美基、江欣燕、朱慧珊、曾華倩與寇鴻萍等人組成的至八會，多年以後，組合也有改變。
- 下月1日是顧紀筠的58歲生日，去年她與9月生日的鄭裕玲、宣萱一起慶祝。
- 繼子陳浚霆入無線做藝人，曾是藝人的顧紀筠，會以過來人的身份與他傾談，表示只能在努力方面鼓勵他，運氣方面要交由上天決定。
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
