前大台娛樂台主播林子博其太太Shirley（董燕君），去年4月患上極罕有的癌症平滑肌肉瘤（腹腔），加上子博又遇上失業，可謂雪上加霜。而積極面對治療的Shirley，經歷化療電療後病情一度好轉。可是本月初，Shirley病情告急，腫瘤影響感劇痛，需入院治療並要打嗎啡針，及後雖然可以出院，但上周五（21日）Shirley又再度入院，並接受一項微創手術，助她減少痛楚。
Shirley昨晚在社交網貼文，將她今個月兩度入院的心情寫了出來，她留言指月初入院時，醫生對她表示不會用心肺復甦法來搶救她，因她做過化療骨很脆弱會承受不了。至於今次再入院，她寫︰「今次（21/8）再入醫院，我再次見到呢個醫生，因為我個腫瘤好痛，佢幫我做咗一個微創治療，做之前，佢同我講，做咗都好嘅，如果你有咩心願未了，襯呢段時間可以做埋佢！又係講到我好似就快死咁！」不少網民留意慰問她，及給她打氣、加油。
今日林子博接受《蘋果》電話訪問，談到太太的病情，他說︰「醫生話呢個微創手術，主要係破壞腹腔傳送到大腦嘅神經線，希望減低佢嘅痛，之前用嗎啡已經止唔到佢嘅痛，而且又有副作用。」由於疫情關係，醫院仍不準探病，故子博只能與太太通電話，他說︰「佢做完微創手術後，太太話冇咁痛，但仲有少少痛，今次嘅手術係用酒精破壞佢嘅神經線，醫生話半年左右，係可以修復返。」子博還透露剛跟太太通完電話，他說︰「佢今日照完超聲波，初步話佢個肝好似發大咗，但係都要等聽日見醫生，由醫生判斷個情況。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
