2020年9月17日星期四

【媽咪冥壽】小鬼猝逝喪母王大陸感懷：2020有點可怕 #王大陸

【媽咪冥壽】小鬼猝逝喪母王大陸感懷：2020有點可怕

王大陸貼圖發文紀念媽咪冥壽，仲話2020有點可怕…

台灣藝人王大陸嘅母親喺8月9日凌晨，因腦幹腫瘤破裂不治，終年65歲。王大陸與媽咪感情要好，加上媽咪身故前沒有任何病徵，家人們都不知道媽咪罹患腦幹腫瘤。對媽媽猝逝，王大陸情緒相當低落。幸而好友陳意涵、陳柏霖等陪他一起打羽毛球，撫慰了王大陸悲傷心靈，令他走出傷痛再度展現歡顏。

今日凌晨，喪母不久嘅王大陸喺IG貼文紀念媽咪冥壽，他上載咗一張用手指叉住下巴，嘟晒嘴，鬼鬼馬馬同媽咪嘅合照，○氹到媽咪笑笑口。喺呢個時候，雖然王大陸內心有好多感受，但他選擇收起悲傷，換上輕鬆文字送給最愛嘅已故媽媽，寫道：「肥婆，生日快樂！當小天使開心吧！要快樂哦！永遠愛妳。」還附加心心表情符號。

唔知係咪受黃鴻升(小鬼)觸動了他心弦，王大陸最後有感而發寫道：「2020有點可怕…大家要平安！」網民除咗留言祝王大陸在天上的母親happy birthday外，亦有叮囑王大陸要多多保重、加油，甚至安慰他不要太傷心，要節哀順變。