黃翠如、王曼喜（Kayla）、王麗嘉、陳家樂與許懷恩等，今天於尖沙嘴出席私人攝影展活動。黃翠如被追問早前曹永廉代自己表態「黃翠如不是黃屍」一事，又謂二人是「自己友」，會否感到無辜突然被擺上枱？翠如說：「最好嘅回應就係唔回應。」再問到她對政治問題也不想回應太多？她同樣不作回應。
身旁的家樂聽後笑指這樣的回應要好好學習，事關訪問家樂的問題都圍繞着他跟緋聞女友連詩雅情侶裝行山的事，見家樂曬得黑黑，他指上月尾拍畢賀歲片《不日成婚》便暫時沒有工作，最近努力行山、跑步與滑水，更勁讚衞詩雅滑水技巧厲害，問到他是否跟緋聞女友連詩雅行山？他說：「首先，真係唔係情侶裝，係咁啱咁橋同一個色，因為我比較大汗，我又得嗰一件背心，同咩人一齊行就唔講喇。」
翠如是連詩雅（Shiga）好友，她謂今次是首次跟家樂見面，大讚他靚仔，翠如坦言沒有跟Shiga約行山，指對方是高級組，能夠行4小時，而她們只有相約到陳自瑤家做瑜伽。問家樂是否能夠克服行4小時的山路？家樂尷尬得面紅說：「我只可以跑1個鐘，不如講返工作啦。」他指新戲中的故事談及對婚姻看法，問到現實中他想結婚嗎？家樂說：「嘩！唔急嘅，努力工作。」問到女方（Shiga）呢？他即說：「唔識答呀。」此時翠如即笑說：「結婚有咩可以問我，我有知識。」Shiga有向她請教？翠如說：「佢有呀，因為我喺海外結婚，佢問嘅都係關於我嘅嘢，Shiga係好女仔，我希望佢開心就得，佢心哋真係好好。」
Kayla早前與同性攝影師女友Elaine宣佈婚訊，今天她孖妹妹麗嘉出席活動，心情大靚，提到婚事籌備進度，Kayla說：「其實未開始籌備，而家咁嘅情況，好多嘢都唔sure，但唔會今年，應該會明年，呢個（訂婚）係我哋一個承諾。但係自己都有諗吓啲idea嘅，主要都係想雙方嘅家人一齊食飯慶祝，而個婚禮都諗咗，想喺outdoor嘅，因為我哋都鍾意大自然，應該會喺美國嘅農場舉行。」她又指多年前已諗定婚紗款式，將會自己設計，可能有中、西合壁。而Kayla說麗喜會是伴娘，不過妹妹不太活躍，故必定會找來幫手，身旁的麗嘉笑言有壓力。Kayla指父母王敏德與馬詩慧也很開心，更指Elaine已是一家人，提到媽媽Janet直言要反傳統不辦嫁妝，Kayla笑謂：「真㗎？不過有冇都冇所謂嘅。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
