亞視前高層盛品儒和老婆蔡一鳳（Michelle）住在赤柱獨立屋，他們育有一對龍鳳胎，家中高峰期騁用6名外傭及2名司機，現在只餘下5人，Michelle向來自己管理外傭，她都不算嚴格，除非外傭工作態度有問題才會出聲。據知本月9日Michelle怒炒一名來了工作才兩周的新外傭時，在檢查對方行李時，竟然跌出一枚屬於Michelle、價值10萬元的5卡綠碧壐寶石戒指，家中CCTV更拍下當時情況，因為人贓並獲，Michelle立即報警處理。Michelle表示警方到場為所有工人落口供，結果花了8小時。
Michelle指該名外傭初來時都好有問題，經常出錯，她除了用百潔布刷銀器，刮花Michelle家中銀具，工作期間又戴着耳機和玩電話，並不專心，還偷錫Michelle子嘴仔，外傭博炒，Michelle於是就買機票讓她9月9日離開，當日下午巡例檢查她的行李時，卻跌出Michelle的戒指。日防夜防，家賊難防，Michelle慨歎僱主請外傭沒有保障。Michelle今日回覆《蘋果》時說：「請外傭好多問題，呢名外傭有心偷我嘢，佢將戒指收埋化妝袋，當日唔畀我檢查個袋，我哋查時佢將戒指收喺手。我平時家中都好小心放飾物，呢隻戒指我放床頭櫃，都算成日戴，疫情我少出街，自己冇為意唔見咗，咁啱放戒指個位CCTV係影唔到，相信外傭一早察覺出嚟。」Michelle表示以前試過被外傭偷家中紅酒出去周日放假同朋友聚會喝，外傭把紅酒偷放屋外花糟，所以便容易運走。
盛品儒今日也力數那名外傭不是：「個工人都係諗住博炒，我估計佢都係有心（偷嘢）。佢當場人贓並獲，檢查行李嘅時候，戒指自己跌咗出嚟。工人都有啲戇居，佢個樣古古惑惑，好多時專登喺我哋面前唔做嘢，其實就係博炒同入嚟偷嘢。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
