前港姐冠軍馮盈盈（FYY）去年底宣佈與拍拖4年的醫生男友「寶寶」鍾文浩（Martin）分手，回復單身的FYY，火速秘撻爆肌港男鄭衍峰，兩人一點都不避忌在節目中打情罵俏，日前更被《蘋果》讀者透過「爆相爆片」，目擊二人跟鄭紹康及友人在中環食晚飯。不過前度男友「寶寶」亦不遜色，本月初，Martin在個人社交平台上載與一名長髮美女的合照，甚至傳出他將閃婚，但Martin其後回應自己未有結婚打算。
對於前度傳出婚訊，FYY一直未有回應，直到日前在大台節目《後生仔傾吓偈》以「前度結婚了」為題，將前度的新聞擺上枱。陸浩明在節目上開始時，直說這個主題是萬般滋味在心頭，是他也是你和「佢」的一個經歷，就是前度結婚了，接着鏡頭影着FYY，當時她做出反眼的表情。雖然陸浩明煞有介事地表示只不過「傾吓偈」，不過隨即有主持讀出當日Martin被傳結婚的新聞，FYY露出尷尬神情。
雖然有不少人視結婚為人生大事，不過在FYY的眼中，未知是否「前度結婚了，新娘不是她」而令她不是味兒，所以她因前度傳婚訊而被追問回應的心情，她竟然說：「雖然我哋仲係朋友，但係都唔會為一啲芝麻綠豆嘅事而互相通知。」聽到陸浩明聲稱結婚都不是大事，FYY立即附和地說：「係呀，結咗都可以離，係咪先？所以唔係咩大不了嘅事。」後來她才表示知道婚訊後，第一個反應是笑了出來：「喺嗰疑似係證書副本，一睇啲資料，以我哋咁多年嘅朋友關係，出生年、月份同地址都係錯，所以一笑置之，係擺咗個大烏龍。」
大家追問FYY當刻的心情又有否難過？她說：「我咪話自己笑咗出嚟，因為覺得應該冇呢個可能，如果係真嘅話，當然祝福佢，佢都到咗適婚年齡，不過喺呢一刻真係冇可能，佢之後都有update我，佢深受新聞影響，問我可以點樣去應對。我叫佢如果唔想朋友同同事誤會，咪隨便post番啲嘢囉。」她還說：「有人問過我點解唔同佢代答，但係我哋只係維持朋友關係，始終我唔係對方嘅代言人，所以都係交番畀佢自己處理。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
