入行18年、現年40歲的E-Kids成員Alan（林詠倫）早前報名參加ViuTV真人騷《全民造星III》，雖然他在幕前的演出經驗比其他參賽者多，不過這份經驗亦成為了他的障礙，與大部份只有20多歲的參賽者相比，老了一大截，難免被人看低一線。
在昨晚播出的《造星III》Alan終於出場，節目上播出他當日面試的片段，花姐直接問Alan已經40歲，如果安排他與20歲的參賽者被編成組合，一齊跳舞演出，他會有怎樣的感覺？花姐更說：「你決定參加呢個比賽嘅時候，究竟你係畀人笑嘅多，定係人哋會留意你，畀個機會你？」Alan回答是「留意」，但花姐一臉冷漠地說：「其實佢哋會笑你。」其後Alan坦言有點不開心：「我都知道參加呢個比賽，預咗有好多批評，但係我都會去承受，而我去承受，唔係就咁聽完就算，我都會好好改進。」
今次Alan選擇唱張學友的《頭髮亂了》，雖然同台有兩名男dancers伴舞，不過Alan的舞步令人聯想到E-Kids時代的舞步，花姐在導師房大叫尷尬：「跳得好老土呀！大佬！真係好老土呀！」演出過後，三位評判經過一輪思考後給予他兩盞藍燈，結果Alan成功入圍，花姐和林二汶即慘叫：「Oh No！」兩位導師更說：「我幫唔到佢！」接着再播出當日面試的片段，再聽到花姐直指Alan很老：「佢真係太老，我覺得佢唔差，但我肯定佢嘅未來唔係星，佢好似好啱資格，但幫佢唔到。」林二汶亦說：「有啲灰呀真係！」反而評判Eric Kwok說：「我以前唔會記得E-Kids有個Alan，但依家我會記得，我會respect佢。」
節目播出後，有人不認同花姐對Alan的評價，留言鬧爆：「要證明畀花姐知，40歲都可以係人生起步！」、「搞咁多嘢，造嗰粒星咪叫『花姐』囉，仲拍埋廣告，幾堅！」，更有人直接指花姐嫌Alan老，是規則上自相矛盾：「因為佢40，又話40唔會係星lor……如果係咁，點解你哋唔set個參賽資格要30歲以下？」並讚Alan享受演出過程：「講真佢不是最出色，但佢起碼係表演緊，雖然話佢啲舞老土，咁佢首歌都係嗰啲年代。」
今日Alan回覆《蘋果》，對於花姐的批評，他說：「我都有睇噚晚嗰集，喺啱啱開始嗰陣，花姐都有同我講過話唔係咁討好，佢唔係話我外型，係驚我嘅年紀擺咗落嚟，會令節目變嗰啲流行經典，不過過咗1個月左右，可能佢喺啲訓練睇到我嘅表現，佢走埋嚟同我傾吓偈，佢話有小小跌眼鏡，亦都多謝我，真係有啲受寵若驚，咁我都多謝花姐畀呢個機會。」他又說：「我好似唔係見到好多人嘲笑我，反而見到一啲失咗聯絡嘅fans同網民嘅留言鼓勵，覺得好窩心，當然我都見到有人留言話『娘』，始終我係嗰個年代出世同聽嗰啲歌，所以而家同一班年輕人相處，我都會試吓啲新嘢，呢樣都係好事。」
Alan亦有在網上留言回覆網民：「笑我之後再留意或者留意之後笑我都好，我做依件事都係想向支持E-Kids同我咁多年嘅fans同自己有個交代。有幸還有氣力堅持自己嘅夢想，唔知可以行到幾遠？盡力喇。堅持在這時勢是必須的。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
