曾被「大劉」劉鑾雄鬧「整容怪物」的35D𡃁模許珮榆（Diva），近日爆出她相約姚子羚男友、前Dragon-i董事Raymond Young（楊偉文）下午茶，Diva不避嫌跟Raymond貼頭咬耳仔，聲稱懂玄學的她還與Raymond「摸手仔」睇掌。日前讀者李先生向《蘋果》爆料，指下月底便30歲的Diva扮單身媾仔，踢爆她今年初在日本秘婚做了人妻，李先生說：「Diva成日都扮單身，佢今年1月份喺日本沖繩秘密結婚，Diva老公係銀行職員，叫Max，姓胡，佢哋拍咗拖6年，Diva好識氹老公，好識講大話瞞住Max出去同其他異性見面。Diva喺尖沙嘴港景峰有兩個單位，其中一間佢同Max同埋前夫所生嘅囝囝一齊住，另一間係私竇，Diva曾入過戒毒所。」李先生更指Diva雖低調做了「胡太」，但仍背夫出軌：「佢近排仲搭上我朋友老公。」四角關係十分複雜。李先生更向《蘋果》提供了Diva的一張婚照，相中她跟Max在外國拍攝婚照。
Diva的FB曾在今年1月19日貼出旅行相，背景是沙灘，而且是她跟9名女友人穿上不同顏色上衣，疑似是七彩姊妹團出埠陪嫁，Diva開心留言：「和你們一起走過的日子，love you all，期待下次一起再去旅行，好玩喔！」似乎脗合報料指去了沖繩秘婚。
《蘋果》致電Diva求證秘婚做「胡太」一事，她在電話中說：「我哋一段感情已經緣盡咗，係幾sad！」婚訊變分訊，至於她跟Max是否正分居，抑或已辦妥離婚回復單身，Diva就避談：「其他嘢我唔想講，多謝關心。」問Diva可有向Max索取贍養費？她最初不肯答，後改口說：「總之我冇問佢拎任何錢。」對於再被翻舊賬，Diva全盤否認：「我係想答我想答嘅問題，我冇入過戒毒所，亦冇生過仔，佢係以前男友嘅囝囝。」再問被指媾人夫搞四角關係，Diva稱沒有搭上別人老公，她只肯說現在的感狀況是有追求者。
其實Diva於2016年參加ViuTV選美節目《美選D.n.A》時，已被爆18歲生仔和曾入喜靈洲戒毒所，當時她的經理人表示Diva年輕時選擇為自己做的事情負責任，似默認一切。Diva擁有一半葡萄牙、一半新疆血統，2009年拍攝青春劇《四葉草-南華夢飛翔》出道，之後成為施念慈旗下藝人成為𡃁模，2013年推出寫真，2016參加《美選D.n.A》，可惜十強止步，事業多年未見起色。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
