自爆發武漢肺炎疫情以來，多個行業均受重擊，連娛樂事業都走唔甩，就算香港的疫情近日稍為緩和，娛樂圈很多演出或出碟計劃亦被打亂，相關的宣傳亦大減規模。
唔講唔知，原來許廷鏗在疫市下仍然有碟出，今次更是相隔一年後再出碟，不少忠心fans當然去撲碟支持，但原來香港獨立傳媒、靈異及外星人研究者雲海今日都有去撲碟，可惜就撲了個空。他在社交平台寫道：「話說今日我做完嘢，黃昏特登去到佐敦恆豐中心間唱片舖，諗住買許廷鏗最新大碟，點知賣晒！」他更提到自己以前同某大型連鎖唱片店員工有交情，可以留碟，但該店已全線倒閉，沒法再留碟，他更打趣道：「我同許廷鏗先生冇私交，睇嚟呢隻碟都幾難買到！」
想不到post一出，竟釣出許廷鏗本尊回覆，許廷鏗問雲海：「有冇嘢幫到手？」雲海亦老實不客氣表示想買碟，許廷鏗搞笑再回覆稱：「幫緊你！幫緊你！會放貨！！感謝支持！」
這段「夾料」味濃的對話，很快便在網絡間傳開，更有不少人趁機入內留言，冀獲許廷鏗揀中回覆；另有不少人打亂對話留言問：「是否包郵？」、「直頭送隻簽名版」亦有身在海外的fans，留言問購買方法。有買到的樂迷，圖文並茂分享購買地點。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
