由新晉導演謝樂兒執導、舞台劇演員黃呈欣主演的本土電影《照單全收》，今日在灣仔藝術中心古天樂電影院舉行首映禮，林日曦亦有現身支持。
為了拍攝《照》片，謝樂兒不惜賣樓籌集資金，不過她未有透露投資了幾多位數字。提到賣樓拍戲，加上疫市上映，會否有點冒險？她說：「都唔係，而家有串流平台，係會容易啲收返部份成本。」她指早幾年認識了這個故事主人翁、殘疾性權倡導者游家敏，見到對方一幅描述其夢想的畫作，因而令謝樂兒決意為她拍攝《照》片。對於邀請王喜擔任片中男主角，謝樂兒笑說：「男主角係需要幾種元素，木獨、冷傲、又要可愛，我見到佢嘅《警棍》，原來佢玩得，又搞得笑，合晒呢個角色嘅條件。」
至於曾奪香港舞台劇獎最佳女主角（正劇/悲劇）的黃呈欣，首次與王喜合作，她笑言起初都有點緊張：「聽講喜哥之前拍電視劇，要求都幾高，對於一個劇本同成件事嘅演出，佢有自己嘅睇法，我覺得係一件好事，當時我都擔心佢覺得我演得唔夠好，但合作起嚟，我覺得佢好nice。」
黃呈欣在去年的社會運動中，曾在facebook表態，因而被大陸封殺，她坦言影響不大：「我主要都係香港市場，大陸市場係少接觸，我依然相信仲有言論自由，唔好自我審查咗先。」由於她與王喜都屬「黃色藝人」，黃呈欣坦言起初有想過未必能在香港上映：「因為片中有提及一啲社會問題，可能關於自己嘅政見，有機會上映唔到，所以收到導演電話話會上，對我嚟講真係好surprise，其實而家嘅政治取向好非黑即白，喺《照單全收》入面係講緊校權、殘疾性權，如果大家focus返喺入面嘅命題上，而唔係focus咗喺政見上，對創作者可能更加開心，本身創作嘅時候，唔係諗住政見嗰樣嘢，只係想為呢班人發聲。」她指謝樂兒賣樓拍戲十分熱血。
對於今次主演的黃呈欣及王喜都是黃色藝人，謝樂兒苦笑表示有考慮過會影響到電影的上映安排，她說：「我都知道要冒呢個風險，一開始都預咗，所以之前搵咗兩間平時都有播獨立電影嘅戲院，對方都拒絕咗，但冇講原因，咁我都無謂揣測；但好彩張同祖老師同王喜已經轉介咗院線、發行商、串流平台、影碟發行商畀我，而家係一個初步嘅洽商階段，隨緣」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
