月前被本刊踢爆搭上細25年的保險公司同事Candy後，前TVB奸人戴志偉已獲青梅竹馬的老婆原諒。60歲的他食完嫩口嘢，風騷回春扮小鮮肉，近日戴cap帽、一身爛牛Look，孖住老婆去逛街。
之前傳他將現居的馬鞍山單位，由聯名改為老婆個人持有，不過原來沒轉過名。零成本就keep到個家，戴志偉真係好幸運！
- 跟細25年的同事Candy鬧婚外情後，戴志偉打扮變得年輕。
- 60歲扮young，戴志偉自我感覺良好。
添姿色箍住老公
當初偷食斷正，戴志偉仍堅稱：「我做錯乜嘢事，有乜嘢錯事！」歪理當真理，仲要理直氣壯。難得他老婆大量，日前兩公婆去拍拖行街，好似冇事發生過一樣。
不過被小三介入，婚姻一度亮起紅燈之後，戴太亦一改以往的隨意打扮，化淡妝、披件西裝褸先同老公去行街，加添幾分姿色箍住老公。
他們像往昔一樣，孖住去睇戲；但散場時表現老夫老妻，行到離行離迾。不像對住小三般，十指緊咁Sweet。
- 雖獲太太原諒，但二人似乎欠缺親暱，感情未升溫。
各有各行欠親暱
事隔幾日，他們又出街拍拖，這天戴志偉扮晒Young，一身爛牛造型點似60歲！有諸內形於外，孔雀開咗屏，就好難收番他昂首闊步，自我感覺良好。不過老婆對住回春的他，並沒特別雀躍，反而不時前後腳各有各行，不太親暱。
以往戴志偉對住老婆就滔滔不絕，但現在就轉了老婆做主場，二人嘆下午茶時，她邊講邊敲枱，似乎有點勞氣。原諒還原諒，你估出軌條刺說拔就拔咩！
雖然有點嬲嬲豬，但她好警覺，不時周圍望有冇鏡頭。期間戴志偉就攤開手，似是在安撫她。
兒子企媽咪嗰邊
反而對住廿多歲的兒子，戴太開心露歡顏，傍晚在餐廳外等位時，兩母子黐住企，有講有笑。兒子更輕拍媽咪腹部，這種親密舉動，反而是戴志偉兩夫婦缺乏的。跟住戴志偉會合他們，但見到老竇，個仔冇乜反應，表現冷淡，繼續黐住媽咪，好明顯係「企喺媽咪嗰邊」。
兒子雙眼似足戴志偉，但心口和手臂都脹仆仆，是肌男大隻仔，青出於藍。
撩完鼻冇抹手
等候期間，戴志偉突然拉開口罩，當眾撩鼻，嚇到老婆和兒子即刻擰轉面，之後老婆索性彈開。但戴志偉撩完鼻，竟然若無其事戴回口罩，認真不合衛生。直到行入餐廳，他都沒清潔隻手，怪不得老婆不愛跟他牽手，知夫莫若妻，不知他有沒撩完鼻再拖Candy呢？
- 戴志偉突然拉開口罩撩鼻，老婆和兒子即刻擰轉面。
小三一身蟻
其實姦情曝光之後，Candy被公司調組，更搬屋避風頭。搭上人夫一身蟻是常識吧！其實戴志偉以往曾說過，男人常因一時之快，在沒計算後果的情況下，受不住誘惑，鑄成大錯，恨錯難返。
他說：「相信冇乜邊個男人唔花弗，但我由細到大都話畀自己知要盡量去專一，否則好容易將所有嘢毀於一旦，咁玩唔玩得過先？」
希望他莫忘初心。 ----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
