【爆相爆片】
林曉峰（阿Lo）及康子妮早前驚爆離婚，隨後女方即傳跟保險業上司撻着，又跟人夫黃翊傳緋聞，正當大家以為阿Lo斯人獨憔悴之際，日前卻被發現跟「嫩版康子妮」長髮索女撐枱腳及逛商場，兩人全程有講有笑，他更表現得十分風騷。昨日阿Lo自宣佈離婚後首度出席活動，他大方透露有跟康子妮聯絡，甚至幫襯她買保險，但卻未有提及約會長髮索女，阿Lo更坦言：「最緊要開心，成日笑。」
在今年9月踏入50歲生日的林曉峰，在同月宣佈跟結婚18年的康子妮離婚，令不少人大嘆可惜。當日有指兩人離婚的導火線，是阿Lo脾氣大兼佔有慾強，加上疫情下他的工作量大減，令他跟康子妮在經濟上出現問題，因而兩公婆屢爆衝突。失婚康子妮隨即投身保險界，但卻跟上司兼大學同學陳逸汮（Garry）；以及人夫黃翊傳緋聞，可見她異性緣極旺。至於阿Lo則被《蘋果》讀者陳小姐透過「爆相爆片」，指她在上周黑色星期五（13日）於金鐘野生捕獲阿Lo孖長髮索女「撐枱腳」嘆泰菜，看來他亦不愁寂寞。
讀者陳小姐昨日接受訪問時指在當日在金鐘太古廣場一間泰國餐廳，見到阿Lo跟一名長髮索女撐枱腳，昨日陳小姐接受《蘋果》電話訪問時說：「當晚大約7點半左右，我哋喺金鐘太古廣場間泰國餐廳見到林曉峰同個女仔食飯，佢哋未除口罩前，驟眼望埋去個女仔太似康子妮，我就諗都離咗婚，唔會咁好約出嚟食嘢啩。女仔一除口罩，就證實係第二個。」陳小姐指長髮索女的側面的確有幾分似康子妮，不過她似乎比較年輕，由外表及打扮看來年約30歲左右，年輕過現年44歲的過康子妮。
陳小姐續說：「佢哋對坐，食足兩個鐘，我見到林曉峰同個女仔好好傾，傾唔完咁，細聲講大聲笑，佢哋都傾得好開心、好投契，林曉峰有時講嘢都幾大聲，睇得出佢心情靚，成日笑。」陳小姐表示飯後兩人更並肩逛商場，邊行邊傾，而由相中所見，食飯時阿Lo不時手舞足蹈，笑不攏嘴，而長髮索女對着男方亦經常露出甜笑，失婚阿Lo火速約會「嫩版康子妮」，看來他對前妻這類型的異性特別情有獨鍾。
當日有指因阿Lo近年工作大減影響收入，間接增加跟康子妮磨擦，而兩人離婚後阿Lo即「的起心肝」發奮圖強，早前單拖到內地開工，到珠海與謝天華及朱永棠等兄弟檔拍攝新戲《風速極戰》，之後低調返港，並接下ViuTV的新節目《調查男女》，而他昨日跟鄧健泓、石詠莉及練美娟在九展開工為此節目錄影，這亦是他宣佈離婚後首次出席公開活動，心情不俗。阿Lo表示早前隔離時自己思考很多：「最緊要開心，成日笑，𠵱家大家選擇開心，係好難得。」他表示已適應離婚後生活。
至於何時決定離婚，阿Lo笑言已忘記：「以前顧慮太多，會介意好多嘢，經歷咁多做番真正嘅自己，睇番我哋𠵱家咁樣，朋友間有個距離更開心。」現時阿Lo跟康子妮仍有聯絡，而兩個兒子亦明白父母決定。當日傳聞黃翊介入二人婚姻，阿Lo決斷回應：「所有唔係事實唔回應。」家人是否討厭康子妮？他稱：「明白傳媒需要創作不同版本嘅故事先有人睇，大家有工開，開心就得。」有傳康子妮跟Garry拍拖，阿Lo表示會祝褔，他更表示有向康子妮買保險，另外稱自己未有新戀情，全程未有提及跟長髮索女撐枱腳一事。
來源 source: http://hk.appledaily.com
|
鍾意就快D Share啦！
|
|
|
