前TVB《東張西望》主持李潤庭，16年被踢爆暪住空姐老婆Crystal，偷食老婆同事兼人妻Tiffany，搞到形象破產。被TVB 炒魷之後，李潤庭被老婆怒撇，近年一直龜縮加拿大，翻身無望。
至於小三Tiffany，有傳她一樣箍唔住任上市公司執董的有米老公，最後離婚收場。失去大靠山，近年Tiffany重投全職媽媽行列，專心照顧一對仔女。日前《壹仔》見到她，湊住仔女去郊外放電。回復單身，Tiffany似乎未有鬆懈，積極操fit副偈。當日她湊仔之餘，亦乘機做下運動。身穿貼身運動衫的她，突出驕人上圍，不知幾養眼！
當街咀嘴摸Pat斷正
當街咀嘴摸Pat斷正
有「新聞王子」之稱的李潤庭，在加拿大卑詩大學經濟學系畢業，之後加入有缐做主播，當時已經深得余詠珊歡心。15年，李潤庭加入TVB，被安排做《東張西望》主持，鏡頭前是好好先生，經常同空姐老婆crystal晒恩愛。16年，李潤庭被踢爆背住老婆，偷食人妻Tiffany 。二人更明目張膽當街咀嘴，又摸pat，直情當老婆冇到。事後李潤庭開記招公開道歉，口口聲聲話想氹番老婆，會同小三斬欖。停工近4個月，便獲TVB放生。復工冇耐，17年，李潤庭再被《壹仔》拍得同Tiffany去灣仔劏房密會，死性不改，終於被TVB炒魷。- 李潤庭加入TVB後，被安排做《東張西望》主持，深得高層余詠珊歡心。
- 李潤庭鏡頭前是好好先生，經常同空姐老婆crystal 曬恩愛。
- 16 年，李潤庭被踢爆背住老婆，偷食人妻Tiffany 。
- 二人明目張膽當街咀咀，更肉緊摸pat ，旁若無人。
以往有司機接送
以往有司機接送
近年李潤庭長駐加拿大，投靠家人。前年他40歲生日，曾返港同一班昔日戰友區永權、衞志豪等聚舊，更講明只會短暫逗留，之後又繼續潛水。另一邊廂，小三Tiffany 前年曾被《壹仔》影到她跟一名大隻男，湊住一對仔女去嘉年華，似足一家人。老公Gregory是上市公司執董，當年單是持股市值已經800萬，以往Tiffany一家住元朗溱林豪宅，出入有司機接送，過慣闊太生活。偷食事件曝光後，有傳她亦跟老公離婚收場。
積極操fit副偈
積極操fit副偈
近年，Tiffany似乎開始修心養性，日前見她陪住一對仔女去放電，做稱職媽咪。有工人姐姐幫手湊仔，Tiffany攤在草地玩電話，期間更乘機做下女士最愛的收肚腩運動。自我放空一輪，Tiffany再去會合一對仔女。對住阿仔，Tiffany 忍不住又攬又搣，好肉緊。身為瑜伽教練的她，無時無刻都郁下手、郁下腳，做增肌運動。又陪仔女玩埋一份，一齊又跑又跳。積極做運動，Tiffany 身材當然弗到爆。當日，她身穿一件超貼身運動衫，澎湃上圍表露無遺，十分吸晴。努力裝備自己，將來要搵個好歸宿，應該唔難！- 近年Tiffany重投全職媽媽行列，專心照顧一對仔女。
- Tiffany 攤在草地玩電話，乘機做收肚腩運動。
- 身為瑜伽教練的Tiffany，積極操fit副偈。
- 當日Tiffany身穿貼身運動衫，突出驕人上圍。
- Tiffany陪仔女玩埋一份，一齊又跑又跳。
----------------------------
立即加入壹週刊MeWe
-----------------------------
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
