2021年1月29日星期五

【頭條獨家】讚高海寧樣靚身材正唔愁冇仔媾黎諾懿爆三歲兒子攬到實好識貨 #高海寧 #黎諾懿

讚高海寧樣靚身材正唔愁冇仔媾黎諾懿爆三歲兒子攬到實好識貨

黎諾懿跟高海寧主持明晚11時TVB播出嘅《big big shop今晚請客慶團年》，高Ling人靚身材好係「小春雞」最愛。

還有兩星期便過年，明晚11時TVB播出《big big shop今晚請客慶團年》，由「美食達人」黎諾懿跟34D「無線咪神」高海寧(高Ling)負責以優惠價推銷賀年糕點、海味、廚具等，今次是兩人拍劇以來首次合作。諾懿笑說：「同高Ling合作好攰，因為今日錄影要記好多對白，仲要即席示範煮金蠔。」不過，諾懿大讚高Ling人靚身材好，口才又了得，心地更加唔錯，而且入廚房出得廳堂，應該吸引到唔少觀眾消費。高Ling大笑說：「難得佢肯讚我喎！」

去年甩拖的高海寧條件咁好，係咪唔怕冇仔追？她即回應：「梗係！我從來唔擔心會嫁唔出，只係先以工作為重！」諾懿即說：「睇Ling姐揀唔揀啫！佢比武招親嘅話大排長龍呀！中、港兩地大把市場，點會冇唧？」諾懿更爆高海寧好受小朋友歡迎，他的3歲兒子黎峰睿（小春雞）最愛攬住高海寧，暱稱「芝麻開門姐姐」：「我個仔搵佢嚟攬真係好叻仔呀！攬住佢一定會好舒服。」