藝人湯怡最近宣布有喜，將嫁排舞師麥秋成，作為準人妻兼人母嘅佢趁住身體未有太大變化，出街影靚相。繼日前「麥蜜拍」晒未婚夫視角，尋日又孖住着情侶裝出動，難 ...
藝人湯怡最近宣布有喜，將嫁排舞師麥秋成，作為準人妻兼人母嘅佢趁住身體未有太大變化，出街影靚相。繼日前「麥蜜拍」晒未婚夫視角，尋日又孖住着情侶裝出動，難得去街大肚婆湯怡悉心打扮，着上格仔迷你裙晒長腿，心情大靚。雖然合照遮晒樣，但見兩人頭貼頭勁親暱，仲扮巧合撞衫：「乜咁啱呀！」大放閃光彈，熱戀中嘅情侶係零舍sweet嘅！
麥秋成晒出多張湯怡影嘅婚照花絮，不過呢堆未婚妻視角唔係狼狽食相，就眨咗眼，相當failed，佢搞笑留言：「話說-情人眼裏出西施，我好明顯係嗰隻西施。#袁路有妳#袁小姐表示很歡喜」呢對小情侶認真冤氣！
