【好識冧仔】謝安琪細女用生命密碼表白 張繼聰收「情書」冧到暈
張繼聰（阿聰）個「前世情人」好識冧仔，話說近日阿聰為新片《馬達．蓮娜》到澳門取景，3歲細女張靖（Karina）就連環Send語音短訊嗲爆老竇：「點呀～」、「有冇掛住我」、「陣間發夢見呀」、「你係咪掛住我呀，爹哋～」，搞到阿聰即刻「囉囉孿」想返屋企，而今日謝安琪（Kay）又於IG貼出一幅手繪畫，大爆囡囡再施冧功寫「情書」畀爸爸！
相中可見，白紙上除了寫上一堆數字，仲有一個以簡單線條畫的「鬍鬚禿頭佬」，Kay以「給爸爸的信」為題留言，指昨晚才教Karina寫「1234」，今日她便活學活用寫信給爸爸，Kay稿笑道：「我覺得佢寫咗一串生命密碼出嚟，好感動。回應我內心呢一份嘅衝擊，我自己都寫咗少少文字，以表達我洶湧嘅感受……」她笑言畫中阿聰「鬍鬚太多，頭髮很少」，笑問「心理陰影」如何算清？不過，Kay亦乘機借囡囡向阿聰表白：「我把我所識的，全部送給你，1234，爸爸我愛你。」後又打趣道，稱要立即教Karina寫「567890」，好讓她可以去買六合彩，認真爆笑。
事後阿聰也有於IG轉發，並狂留「心心」及「心心眼」Emoji，他說：「妺妹寫俾我嘅第一封信😍😍😍冧晒❤就算畫到我咁少頭髮...🤣」一眾網民也留言：「好掛住ka ka ball（Karina乳名）呀！好sweet呀」、「又叉滿電開工喇！加油」、「妹妹畫得好似你呀」等。
來源 source: http://hd.stheadline.com
|
鍾意就快D Share啦！
|
|
|
