被麥玲玲踢爆多人追 馮盈盈認鍾意年上男：大15年都接受
堪輿學家麥玲玲今日現身TVB新春節目《金牛獻瑞賀新禧》時，批算馮盈盈未來10年的事業運會更上一層樓，又取笑她趁麥美恩不在港而狂擸主持工作，理應封大利是給麥美恩才對，她向盈盈笑說：「留番啲節目畀人做吓好喎！」
玲玲師傅又踢爆馮盈盈太多人追，為了婉拒追求者，竟主動要求情人節跟她拜年，玲玲師傅說：「盈盈的年齡層好廣泛，之前林盛斌話介紹一位50多歲嘅Uncle畀佢，跟盈盈爸爸差唔多大，呢個年紀應該介紹畀我」盈盈就趁機賣口乖：「證明我老少咸宜呀，跟TVB嘅節目一樣，哈哈！當識多個朋友啫，坦白講我而家鍾意年上男多過年下男，大我15年以內都可接受。」並透露預算派5位數字開工利是，加上電子紅包，笑認無上限，玲玲師傅即說：「盈盈好有錢㗎，經常請大家食最高級嘅下午茶，之前更有報道話佢嘅名牌包包比我嘅貴，懷恨在心呀！」
來源 source: http://hd.stheadline.com
|
鍾意就快D Share啦！
|
|
|
