港姐又嚟喇，日前面試，有索女有騎呢，真係咩都有！當中最有話題，一定係林作「提名」嘅霍韻璇，Come From東涌嘅霍韻璇似足佛祖同埋羅浩楷，大受網民歡迎！尋晚（11日）11點左右，林作喺社交網報喜，留言：「突發：霍小姐成功打入第二輪！全港市民！我哋一齊集氣推爆佢成為今屆冠軍。」網友見到都即時食晒花生，笑言：「TVB想簽佢搵佢同羅浩楷扮兩姊妹！」、「佛祖顯靈」。而「東涌羅浩楷」人氣好強，有人透過林作搵佢拍宣傳照添，認真犀利！
原來林作媽媽都有提名靚女選港姐，林母仲話：「我提名這個正點，做埋新抱更好。」事後，東網聯絡上林作，佢解釋其實同霍韻璇唔相識亦冇聯絡，只係有網友推介畀佢，令佢一見如故所以先極力推介對方，佢所指打入第二輪面試嘅「霍小姐」並唔係霍韻璇，而係林母提名嗰個Bronte。睇番19歲嘅Bronte，喺理工大學讀英文系，個樣斯斯文文，唔知最後可以成功入圍呢？
來源 source: http://hk.on.cc
|
鍾意就快D Share啦！
|
|
|
