【打工仔】公司Office由九龍灣搬到上水！員工嫌太遠集體辭職、70人走淨10個！

對唔少打工仔嚟講，返工都係「為錢」嗟！所以搵工除咗薪金、待遇、福利、人事外，唔少人都會考慮埋上班地點，畢竟工作地點同屋企距離嘅交通費都係一筆支出。不過 ...

對唔少打工仔嚟講，返工都係「為錢」嗟！所以搵工除咗薪金、待遇、福利、人事外，唔少人都會考慮埋上班地點，畢竟工作地點同屋企距離嘅交通費都係一筆支出。不過近日就有打工仔表示突然出現大型辭職潮，原本70人嘅公司走淨10個！原因竟然係因為「搬Office」？！

撰文：海月｜圖片來源：愛回家、奴工處、無法成為野獸的我們

公司Office由九龍灣搬到上水！

近日有網民於Facebook專頁「奴工處」投稿，表示自己公司Office將由九龍灣將搬到入去上水，不過人工維持不變，但對唔少同事嚟講講返工就遠咗好多。所以公司唔少員工得知搬Office後，掀起一股「辭職潮」同事紛紛喺一個月內相繼遞信走人，最後公司由70人走淨10人。



近日有網民於Facebook專頁「奴工處」投稿，表示自己公司Office將由九龍灣將搬到入去上水（圖片來源：無法成為野獸的我們）



公司唔少員工得知搬Office後，掀起一股「辭職潮」同事紛紛喺一個月內相繼遞信走人（圖片來源：無法成為野獸的我們）



最後公司由70人走淨10人。（圖片來源：愛回家）

有網民表示上水其實唔係大家想像中咁遠：上水認真算係咁，屯天元（屯門天水圍元朗）先係大佬……。唔少公司都有「新界牛」，而佢哋都習慣遠征市區返工，不過反而要原本住在九龍或港島嘅人去新界返工，就未必能夠習慣，所以有部份網民反而期待呢類九龍、港島人到新界上班體驗，更直言「你哋都有今日啦」。



有網民表示上水其實唔係大家想像中咁遠：上水認真算係咁，屯天元（屯門天水圍元朗）先係大佬……（圖片來源：愛回家）



唔少公司都有「新界牛」，而佢哋都習慣遠征市區返工（圖片來源：無法成為野獸的我們）



]有部份網民反而期待呢類九龍、港島人到新界上班體驗（圖片來源：奴工處）



（圖片來源：奴工處）

不過有「陰謀論」網民就覺得其實「搬公司」只係公司減省Cut人嘅方法嚟，更表示「呢招cut人都幾絕」、「一招慳返成百萬遣散費同長期服務金」。更加有網民覺得其實嗰間公司可能本身有其他問題，搬Office只係大家遞信走人嘅導火線。不過喺疫情下，唔少人喺難以搵到新工情況下都決定離職，睇嚟要人去上水返工真係好大威力！



有「陰謀論」網民就覺得其實「搬公司」只係公司減省Cut人嘅方法嚟（圖片來源：奴工處）



有網民覺得其實嗰間公司可能本身有其他問題，搬Office只係大家遞信走人嘅導火線（圖片來源：奴工處）

來源 source: http://www.nmplus.hk

鍾意就快D Share啦！

下一篇 》