高志森爆黃家駒真實性格！有領袖風範夠決斷護隊友 一件事證真人唔反叛
傳奇樂隊Beyond主音黃家駒逝世29年，近日曾與他合作拍電影的高志森導演，於YouTube頻道大談與黃家駒當年相處的點滴，更大爆黃家駒真實性格！高志森於90年代曾與Beyond合作拍攝電影《開心鬼救開心鬼》及《Beyond日記之莫欺少年窮》，高志森表示每次商討行程及拍攝內容，都是由黃家駒出面溝通，而且黃家駒做決定夠決斷，大讚對方有領袖風範。
【點擊睇Beyond珍貴照片】：
高志森受訪時表示，當年Beyond非常紅，經常要飛到外地工作，每次都要預留他們的空檔為電影拍攝，「同佢溝通劇本、拍攝通告、邊日拍咩內容、服裝造型，連電影配樂都係Beyond做，仲有宣傳活動。基本上咁多嘢我同家駒要解決晒啲前題，所以當年我同佢嘅溝通係好緊密。佢說話唔多，直接到位，佢係一個好快決定嘅人，永冇嘮叨，只會解決問題。」更指黃家駒永遠先為人着想，認為這樣的年青人世間少有。
黃家駒一向重兄弟情，作為與電影團隊溝通的代表，他亦非常維護隊友們的權益。高志森指：「好多時佢會話我哋之前嘅活動好忙碌，咁你可唔可以唔好一下子四個一齊（拍攝），譬如我哋邊兩個嚟先，畀另外兩個唞一唞。」有次黃家強要拍攝被倒吊掛在窗外的場面，離地有3層樓高，亦有做足安全措施，「我記得拍咗四個Take，每拍完一Take，我一叫Cut，家駒就會即將撲埋去捉實家強，你睇到佢真係好着緊，係有種愛喺入面。」
高志森更分享當年與Beyond到新加坡工作，因當年90年代實施禁煙，要吸煙須到吸煙區才屬合法。黃家駒到當地電視台後詢問員工可以到哪裡吸煙，對方表示吸煙要到吸煙區，但如果他們要到後樓梯吸煙，他亦可以「隻眼開、隻眼閉」。但黃家駒堅持請員工告訴他吸煙區位置，即使要在停車場一個小圈圈內吸煙，位置又當眼都無所謂。事件令高志森非常深刻，他表示：「入鄉隨俗，佢哋要守人哋嘅禮，守人哋嘅例！所以其實家駒個人係好守規矩，佢唔係反叛到違規，佢唔會咁。」言談間可見高志森對黃家駒為人給予高度讚賞。
【其他文章】：
「東張女神」利穎怡小背心素顏搬屋 穿黑絲試床親自測硬度
張振朗與前ViuTV小花拍拖低調外遊避晒合照 女友楊偲泳露纖腰美背浸溫泉
陳凱琳鄭嘉穎被批唔識教仔！ 3歲大仔一舉動遭網民鬧爆勁冇禮貌欠尊重
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
