2023年1月5日星期四

獨家丨朱敏瀚得黎耀祥教路狂睇書提升演技多謝公司欣賞唔抗拒除衫拍戲 #朱敏瀚 #黎耀祥

獨家丨朱敏瀚得黎耀祥教路狂睇書提升演技多謝公司欣賞唔抗拒除衫拍戲

30歲的朱敏瀚(Brian)近年踼走孱仔形象，由TVB「御用細佬」變「御用裸男」，新劇《輕·功》中要做裸體模特兒，着上兩條肉色底褲演出，他坦言樂意喺鏡頭前展示健碩身形。另外，Brian亦好識諗，從黎耀祥身上學識睇多啲書，跟圈中老友仲開咗個讀書群組互Share好書。採訪：方騫平攝影：孔子化妝：Chloe Yu 髮型：Leoyiu@Mplus salon

朱敏瀚由TVB「御用細佬」變做「御用裸男」。



朱敏瀚近年踼走孱仔形象。



前年朱敏瀚奪「男配」受到公司力捧。



朱敏瀚唔使再局限只做「細佬」，多咗機會相當開心。



朱敏瀚聽前輩黎耀祥話，睇書有助拍戲創作空間。

朱敏瀚自《機場特警》開始幾乎套套劇都除衫晒肌，笑言已成習慣，在《輕·功》中他為照顧家庭，被朱晨麗發現做裸體模特兒。當時他着住兩條肉色底褲對住女方演出表示唔尷尬：「都ok啦，尺度有限啫，而且仲着住兩條底褲。」



新劇《輕·功》中做裸體模特兒，着上兩條肉色底褲演出。



在《輕·功》中他為照顧家庭，被朱晨麗發現做裸體模特兒。



朱敏瀚拍《拳王》時操到有晒線條，身形好Fit。



朱敏瀚自《機場特警》開始幾乎套套劇都除衫晒肌。



就算《痞子殿下》都要除衫演出。

同張振朗有讀書群組

雖然拍《輕·功》時受疫情影響冇得去健身，身形冇《拳王》時操得咁fit，但仍被公司器重靚Body，朱敏瀚開心笑說：「公司畀咗唔同戲路我，我唔抗拒，亦冇負面諗法，令到我更加了解自己嘅身體狀況，食啲乜嘢，幾時操肌，可以收放自如，唔使瘋狂咁節食。」前年朱敏瀚奪「男配」受到公司力捧，他坦言唔使局限只做「細佬」，多咗機會相當開心：「喺《輕·功》中嘅『細佬』都有好大轉變，唔係內歛要人幫嗰種。」