周星馳被田啟文爆65歲會復出演戲，雖然尚有5年，但足以令星粉樂半天。然而，星爺最近開通社交網，不時發功與Fans互動，日前他出Post話：「新一年，有甚麼願望，通通（統統）講出來！」人人都爭住留言，希望星馳做黃大仙，莊思明、金剛、謝東閔都有份，視后蔡思貝亦是其中一個。
思貝留言：「我希望做你條𡃁！」原來「奇洛李維斯」真係會回信，星爺冇耐就留言回思貝：「應承你！點報答我先！」這個留言即令思貝開心到震，大有機會成為「星女郎」，真係報答星爺乜都肯制，她再留言：「叫你聲大佬！然之後希望緣分可以驅使我好好咁報答你，真的。」
思貝接受東網訪問，她開心到震說：「我見佢應承我，已經係我2023年最好嘅開始，好開心！」為報答對方，思貝更說：「我希望可以目睹佢拍戲嘅光彩，我可以做打雜、PA、演員、道具、茶水都得，如果有朝一日可以同佢拍一部戲就好！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
