藝人陳貝兒主持《無窮之路》系列節目，於內地成功打響知名度，近兩年接Job冇停手，疫情下未開關，依然中港兩邊走。近日成功「抽空」返港的她透露：「因為要趕住返嚟做嘢，之前喺內地要「加班」拍定啲農暦新春節目，連續成個月每日瞓少過5粒鐘！」
返港後一個星期內她便拍了1個廣告、出席了3場商演及2個倒數活動，密密做冇停手，名副其實的過肥年：「跟住會喺香港留多一個星期，然後再北上做春晚，好彩已經知道趕得切返嚟香港過年。今次返半嚟日日有媽咪靚湯陪住我，好溫暖。」
當被問到2022年是否大豐收，她說：「機會係好多，我好感恩。踏入2023，公司話已經繼續有中港兩地嘅工作邀請，暫時檔期已排到年中 。」她又透露難得留港過農曆年，已計劃親自下廚炮製年夜飯，希望來年一家人開開心心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
