《從今以後》兩位女主角區嘉雯與李琳琳於電影節上接受《香港01》訪問，嘉雯姐分享到早前遠赴柏林參加影展的感受：「當地嘅觀眾反應都歷歷在目。柏林上次《叔．叔》我都有去，但係我比較後期先去，所以冇今次由紅地氈、開幕咁經歷過。」至於未有出席柏林影展的李琳琳則表示可惜：「不過嗰排我唔爭氣，因為身體唔係咁好，我好羨慕嘉雯，見到佢哋send返嚟嘅相，我都覺得好開心，猶其聽到攞到獎之後，更加雀躍！」
《從今以後》將於5月正式上映，對於久未與觀眾見面的李琳琳，笑言希望出席謝票活動：「如果觀眾支持我哋，我哋都唔怕辛苦㗎！係咪呀？」區嘉雯亦表示期待於電影院中與觀眾見面：「希望可以」
李琳琳丈夫姜大衞憑《白日之下》入圍第42屆香港電影金像獎「最佳男配角」，琳琳姐表示將出席典禮為老公打氣：「今年金像獎我都會為我老公打下氣！（對丈夫得獎信心？）其實對手好多，猶其是有小朋友，你知小朋友係無敵嘅！所以我對我老公嘅信心唔係咁大，不過有份參與我覺得已經有得著。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
