視后蔡思貝向來身材有睇頭，不過思貝甚少晒身材，禾旱冚珍珠，久不久才「激罕」一露。前日（26日）她於社交平台晒出多張美照，穿了一條黑色短裙的她，雖然上身密實非常，但下身就來個「黑絲誘惑」，大騷纖幼長腿，高貴又性感。不少網民都留言：「索爆」、「每次見你都係最佳狀態」、「美腿貝貝女神」等。
其實要長期Keep住好身材絕非容易事，除了食得健康之外，運動方面都非常重要，眾所周知思貝是運動健將一名，平時經常做運動的她，跑步、游水、跳舞、踩單車樣樣都keep住做，飲食方面，雖然她不會特別節食，但就會多選擇健康食品來吃，間唔中都會來一次「放縱日」，吃得開心又健康。
而思貝將於4月13日出席今年「『愛‧女孩』起跑！2024」活動，當日她會擔任星級跑手，為現場接近1900名參賽跑手打氣，仲會親自落場跑3K支持呢！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
