2014年2月26日 星期三

[FACE 353] G.E.M.搵老外水泡 G.E.M.,鄧紫棋,MF,




練完四個鐘歌, G.E.M.同 Lupo(左一),仲有一位外籍音樂人一齊落樓上保母車,睇 G.E.M.個樣又真係冇乜笑容,希望同 Yoga冷戰完就冇事啦!

FBI

G.E.M.搵老外水泡

唔通真係共患難易過共富貴? FBI講緊 G.E.M.(鄧紫棋)同男朋友仔林宥嘉囉! G.E.M.上位前都仲會偷會拍嚇拖、上年仲手拖手行金曲獎添, G.E.M.年頭唱完《我是歌手 2》,一紅即刻傳分手。最似層層係上週五, G.E.M.無啦啦好激動咁話有人再三犯同樣錯誤,迫佢做決定喎,全世界都當正 G.E.M.人紅就狠飛男友。

FBI聽聞,小情侶其實係嗌霎兩句,玩緊冷戰,未搞到分手咁大件事嘅。

密密飛湖南錄《我是歌手 2》,返嚟香港 G.E.M.都冇得停,上個星期連續兩日俾 FBI發現佢喺長沙灣。身邊台灣仔就冇喇,老外就有幾個。唔係 G.E.M.移情別戀,佢去長沙灣原來上工廠大廈同樂隊綵排,日日陪住佢嘅咪就係由出道幫到佢𠵱家嘅外籍唱片監製 Lupo同鬼妹 stylist囉。

難得留港, G.E.M.除咗練歌就係同鬼妹 stylist出街買衫,樣樣都係為咗比賽。

上年二人手拖手出席台灣金曲獎,唔通呢次,係第一次亦係二人最後一次公開拖手?

上週五( 21日),發布微博引來分手揣測, G.E.M.對此解釋係:「成晚冇瞓,情感泛濫寫,唔好對號入座!」



鍾意就快D Share啦!
Related Posts Plugin for WordPress, Blogger...