苟芸慧減極唔瘦磅數機密
早前因病而暴脹的藝人苟芸慧，昨日小休復出，雖然已略為清減，但依然大隻，減極唔瘦的她打算再向公司請假休息，希望能回復昔日的索爆身形。
苟姑娘對身形依然不滿意，並希望可以放假休息。
清減不少的苟姑娘早前被影到行到邊照到邊，信心返曬嚟！
藝人苟芸慧（苟姑娘）昨日以低胸打扮出席《BRAND OFF名牌精品拍賣會》，早前她因甲狀腺出現問題而暴肥，近日病愈略見清減，她表示現在知道問題所在，會正面一點，但拒絕透露體重，因為現在上鏡還覺得「大隻」，要以上電視作為標準。苟姑娘又表示不少藝人都有這種病，例如宣萱，因為做藝人時間顛倒，壓力及情緒都有影響。問到早前與天王郭富城的緋聞是否令她造成壓力？她說：「都唔可以怪佢，仲有好多其他工作嘅因素。（佢話祝你早日康復？）好多謝佢，都好多謝其他人，佢哋係我想好番嘅動力。（仲有冇同城城聯絡？）工作先會聯絡。」
此外，提到近日有傳好友李亞男與王祖藍結婚，苟姑娘笑說：「我身邊好多朋友都結婚，婚期排到2015年。（佢有冇請你做伴娘或姊妹？）暫時冇。」而早前有傳她跟「甄子丹姨仔」汪圓圓不和，故缺席其婚禮，她說：「嗰陣唔知自己做乜，身體狀況唔同，所以先去唔到，佢之後做咗人妻都有同佢食飯。」
當黃宗澤福星
苟姑娘小休復出，問到是否降價接Job？她說：「其實我一直想請假讀書，但公司有工作做，如果有得揀我都想休息。」至於近日鬧得熱烘烘的黃宗澤跟楊崢戀情，苟姑娘坦言黃宗澤是她的福星：「我參加華姐同多倫多小姐都係佢做嘉賓，我都有名銜。（佢戀情來得快去得快？）感情事係私人事，唔方便回應。」而她又認為藝人面對緋聞不用太認真，自己經歷過上次經驗後也覺得沒甚麼大不了。
苟姑娘對身形依然不滿意，並希望可以放假休息。
清減不少的苟姑娘早前被影到行到邊照到邊，信心返曬嚟！
|
鍾意就快D Share啦！
|
|
|
