上週四氣溫只得 11℃，拍外景已經辛苦，仲要落埋水，好彩煎 pang同嘉欣都帶備私夥潛水衣打底先冇咁辛苦。
FBI
失財化水 嘉欣 BB濕啜煎 Pang
TVB間唔中都有失竊事件發生，最新受害者竟然係女神鍾嘉欣。出名慳嘅嘉欣 BB有日拍外景諗住「萬歲」劇組，㩒咗 6,000蚊，再用$2,500買 pizza，理應仲有$3,500剩。點知最後發現銀包得番 150蚊。雖然嘉欣吸金力強，出席活動閒閒哋收 10萬 8萬，不過唔見咗 3千幾蚊都好肉痛， FBI聽聞 TVB都高度重視呢次失竊事件。嘉欣身邊好友同 FBI講：「佢講出嚟，唔係要緝兇，只係想呻嚇啫。」。
上週六（ 22日）嘉欣收拾好心情繼續開工，仲同新緋聞男友陳展鵬為《大藥坊》趕拍落水親熱戲，佢同 FBI講，已經冇諗被偷錢嘅事，「破財擋災囉，可能我記錯咗呢……哈哈！」 FBI仲八到，《大》劇由上年 11月拍到𠵱家 2月尾 3月頭都仲未拍完，起碼仲有 3星期先完工，原因係無綫實施新工時制度，規定每位員工每日要有九小時休息，至令《大》劇拍攝時間長咗。
工作人員多咗休息，希望提升到無綫劇質素，拍套有《來自星星的你》水準嘅劇出來威嚇嘛。
|
鍾意就快D Share啦！
|
|
|
