2014年2月26日 星期三

[FACE 353] 力王做保鑣 賈曉晨存錢易 賈曉晨,MF,




早前 JJ宣布加盟新公司,男友樊少皇都嚟撐女友,婦唱夫隨咁話。

FBI

力王做保鑣 賈曉晨存錢易

近年賈曉晨( JJ)轉戰內地又簽新公司,所謂魚唔過塘唔肥, FBI收到風, JJ身家以倍計上升,最近更自資過千萬拍攝一部微電影《愛情是什麼》,而且親自操刀寫劇本添;嚟緊亦會出大碟,將灌錄 10隻新歌,除咗已經出街嘅〈平衡宇宙〉係同男友樊少皇合唱外,仲有另外一首國語歌都係情侶檔合唱,寃氣到暈!

賺人仔盤滿砵滿, FBI仲聽聞 JJ媽咪每個月都會去屋企樓下間銀行存現金,每次幾萬至十幾萬不等。咁大疊錢就梗係最好有人護送啦。於是次次 J媽去入錢,力王都會碌大隻眼四圍望到實,有力王做保鑣, JJ啲血汗錢實安全啦!

JJ太忙,財政交由媽媽管理,不過存錢都係有個保鑣傍住安全啲。

久未出碟的賈曉晨,已自資拍攝新歌〈平衡宇宙〉 MV,不過自己只出鏡兩秒。

JJ自資過千萬拍攝兩部微電影,更自編自導,對每句對白都非常緊張,常要男友叫她放鬆。



鍾意就快D Share啦!
Related Posts Plugin for WordPress, Blogger...