[FACE 353] 肯雅徐西餅茶餐 肯雅徐,徐濠縈,MF,

阿徐可能太飽只係食咗少少，但佢見食剩咁多，都專登打包攞走，實行上車返到屋企先慢慢食！

FBI

肯雅徐西餅茶餐

上星期跑完馬拉松嘅徐濠縈變身「肯雅徐」，以 3小時 52分完成全馬，成績令人另眼相看，連形象都健康番曬！

難得跑完之後「肯雅徐」可以即時變番「潮媽」， FBI上週四（ 20日）就見到佢鬼火咁靚返咗銅鑼灣自家時裝店 Liger，仲唔知係咪為咗慶祝佢跑完全馬，準備咗一堆西餅同同事慶祝添。其間阿徐跟同事有傾有講心情大靚，不過 fit開嘅阿徐咬咗幾啖蛋糕就算，反而離開鋪頭時就夾咗幾件西餅，拎走再上車慢慢歎。

嗱！係時候講句公道話，做運動又有成績並唔係咁簡單，仲講緊 A餐定 B餐？又悶又 out喇，揀乜都好，揀咗都唔係你食啦！阿徐醒目，食西餅好過，睬你都傻！

做番潮媽

徐濠縈「成名」係因為佢潮，上星期四返到鋪頭，當然要變靚做番潮人，對住塊鏡係咁照。

堅快跑

上星期渣馬，阿徐 4小時內跑完全馬，堅係好跑得。

鍾意就快D Share啦！

下一篇 》