[FACE 353] 七國咁亂 失婚劉明軒秘交梁思浩助手 劉明軒,MF,

劉明軒同王傲山結婚一年唔夠就離婚，婚變傳出後，王傲山對劉十分維護，反而暗寸舊愛李彩華「放料」。圖片

真面目

七國咁亂　失婚劉明軒秘交梁思浩助手

有線主播劉明軒同王傲山婚變，估唔到會搞到王傲山同舊愛李彩華隔空罵戰。

女主角劉明軒繼續低調開工，但本刊上週收到匿名電郵，稱劉明軒同梁思浩前助手葉廷鋒過從甚密。爆料人仲話劉明軒跟葉廷鋒及其空姐未婚妻，更曾傳出有「奇情」關係。真係一個複雜的故事。

36歲劉明軒同王傲山婚變消息曝光至今兩星期，劉明軒繼續低調不回應，而前夫王傲山上週三（ 19日）則在 facebook暗寸舊愛李彩華「放料」畀傳媒，隔空互寸。臭史愈揭愈多，本刊上週收到爆料人電郵，指劉明軒同梁思浩前助手兼 D100 DJ葉廷鋒關係親密。爆料人更稱劉明軒與葉廷鋒及其將於下月結婚嘅空姐女友 Cathy有不尋常關係，而王傲山亦提出離婚。

葉廷鋒以梁思浩助手身份經常出入有線，所以認識劉明軒及餘思敏等一眾主播。

葉廷鋒下月將會同空姐女友 Cathy結婚，他說：「我下月結婚都唔知邊個咁大整蠱。」

同鄭中基爭女

據知當年梁思浩喺有線主持節目《怪談》期間，葉廷鋒經常跟出跟入，因而認識劉明軒，爆料人更指葉廷鋒試過追求和鄭中基結婚前的餘思敏，及後鄭中基極力阻止二人交往。

週日（ 23日）餘思敏陪老公鄭中基出席《金雞 sss》謝票，她說：「我識葉廷鋒！（傳聞佢追過你？），我冇聽過呢個傳聞。（佢令劉明軒離婚？）呢啲嘢你問番劉明軒啦！」至於關鍵人物嘅葉廷鋒在電話中回應：「我同劉明軒係好朋友，我冇鍾意過亦冇追過，除咗朋友外冇任何關係！」而劉明軒截稿前未回覆。

葉廷鋒（左）已冇做梁思浩助手，早前為 D100客串 DJ主持節目《女王頭老襯底》，他說：「我個節目完咗，唔會再做，我本身做 marketing。」

爆料者除爆葉廷鋒同劉明軒曾有親密關係，仲話葉同米蘭站老闆姚君達前妻李麗紅也曾相交。不過葉說：「無×聊，啲人作得就作。」

追鄭中基老婆

已成為鄭太嘅餘思敏週日撐老公鄭中基出席《金雞 sss》謝票，她說：「我識葉廷鋒，大家係朋友。」但不回應被追傳聞。

鍾意就快D Share啦！

下一篇 》