星星報告
來自追星星的你
《來自星星的你》熱爆半個亞洲，追星熱有增無減。除了全民煲劇追《星》，大小明星都中星星毒，個個想演一次千頌伊，迷主角外，更引爆周邊產品搶購熱潮，港女買斷千頌伊用的唇膏顏色、學千頌伊著衫；食千頌伊最愛的炸雞、啤酒餐以至玩 LINE都要用千頌伊金秀賢 stickers……今期睇完《星星》現象，再喊住煲埋大結局啦！
星星追《星星》
《來自星星的你》喺界受歡迎程度，分分鐘超越 05年於香港播的韓劇《大長今》，秒殺香港。人人捕住追最新一集，當中更不乏一班索港星。
曾經同金秀賢合作過的 Angelababy，亦自認係《星星》忠粉，她說最愛一幕係金秀賢於雪地嚇全智賢，而苟芸慧就最愛兩位主角於屋內的談情戲。其實講到尾都係因為現實中難以搵到一個愛你 4百年的癡情男啫！
Angelababy：中曬毒
「上年年底喺韓國同佢（金秀賢）合作拍 Samsonite RED廣告，佢嗰陣同我講話拍《星星》，冇諗過自己都會追韓劇。由第二集開始睇，𠵱家都中曬毒。一有新一集播出就睇！我最鍾意嗰幕係金秀賢係雪地嚇全智賢嗰場戲（第 11集）。」
DaDa：因全智賢先睇
「不嬲有追開韓劇，由《繼承者們》追到《星星》，我因為全智賢先睇。可能佢戲中做女明星，又喺屋企會儍更更，對我來講好有共鳴。我最鍾意有幕全智賢同輝京喺摩天輪，跟住金秀賢將時間停止。如果香港拍，我諗劉德華配陳慧琳啦！」
苟芸慧：翻睇 2次
「我全部睇曬，再翻睇咗兩次。除咗劇情好睇，亦留意全智賢做戲，尤其佢大癲大肺做得好自然，好可愛。我鍾意佢兩個喺屋企嘅所有談情戲，好 sweet。如果拍港版我諗鄭嘉穎幾適合，女角如果網友唔介意畀我試嚇啦，哈哈！」
關心妍：必睇片尾
「日日留意住《星星》所有新聞，特別鍾意片尾 special，嗰啲先係最精采，其中一幕喺雪地，都 manager（金秀賢）拒愛，全智賢冇癮走，但同時佢令到時間停止錫番全智賢一啖。全智賢好有靈氣，做 sweet戲嗰陣又可以做到好卡通。如果香港拍，我諗舒淇同梁詠琪啦，男主角我諗方大同。」
周秀娜：世上冇都敏俊
「我好鍾意全智賢，因為佢先集集追，我最鍾意有集（第 7集）全智賢就嚟跌落山崖，佢一叫金秀賢就出現。呢套劇令我明白，呢個世界係冇都敏俊咁嘅男人，只有外星先有。如果要拍港版，我希望男主角係 Chilam啦，女主角我都想做喎！」
Bosco Vs峯峯
每逢有外地劇 hit，網友都會即刻幻想拍港版。今次《星星》咁 hit，當然唔少得網友推舉邊個做男女主角。男主角方面暫時都係以林峯同黃宗澤爭崩頭，反而女主角就大部分投佘詩曼。不過都有唔少網民覺得千祈唔好拍港版，因為港星真係同原裝嗰兩位差太遠，而且 TVB製作差太遠，拍出嚟肯定成為恥笑對象。就算傳舒淇和趙又廷拍華語版，星迷都噓。
|
鍾意就快D Share啦！
|
|
|
