祖藍出名錫女友，出活動例牌拖到女友實一實，又自爆會「成日打電話同佢講『我好掛住你！』」，但問到二人結婚傳聞，王祖藍只說：「今年真係冇時間結婚！」
真面目
夫妻檔 《老表》續集狂加女友戲 王祖藍李亞男 hea完姞婚
喺《食為奴》搶曬鏡的 34歲王祖藍，最近傳出將於 6月，跟拍拖 5年的 29歲李亞男結婚，王祖藍更在大埔買定獨立屋做愛巢，準備迎娶女友。
婚前最後一擊，原來祖藍有特別方法氹嬌妻。據知祖藍實行公器私用，在一手策劃自編自演的新劇《老表你好 hea》中，狂加女友戲之餘，更度身訂做角色，難得祖藍擺明車馬話：「我向來用公司資源做自己事。」李亞男點會唔冧先！
以大部分《老表》班底炮製的《食為奴》，上週收視平均有 27點不俗成績，更加強王祖藍對招牌作《老表你好 hea》的創作信心。上次《老表》首輯被無綫編劇指他不安本分，今次《老表 II》祖藍實行全部起用自己班底，方便劇本創作之餘，更可肆無忌憚度橋捧新加入《老表》的女友李亞男。
全劇唯一索女
據知在《老表你好 hea》中，將一人分飾兩角的王祖藍，除了跟王菀之有感情線外，亦已為女友李亞男鋪定搶鏡路。劇中李亞男除周旋於王祖藍和郭晉安中間外，更被安排為全劇唯一索女角色，拍得住陳敏之在早前《 My盛 Lady》的搶鏡度。
據劇組人員透露：「祖藍話個角色要有人爭先好睇，仲加咗好多內心戲畀女友，例如講佢鍾意咗祖藍，之後嘅內心轉變，都令到女友角色更加討好兼入屋，佢好畀心機設計個角色㗎！」
曾表示希望度齊對白先開工的王祖藍，現正日日閉門度橋，難得他早前在一訪問中直言自己明益女友，王祖藍說：「我向來用公司資源做自己事……但她不是女主角……我只是善用平時冇發揮的演員。」對於王祖藍公器私用，《老表你好 hea》監製黃偉聲亦說：「加李亞男係 gimmick嚟啫，其實大家戲分都會平均嘅。」
《食為奴》對白全改
有傳王祖藍係執吳卓羲二攤先拍《食為奴》，但祖藍亦絕對冇 hea，據知祖藍到拍攝後期已頂 TVB編劇唔順，將全部對白自創再刪改，例如本週五播出的第十五集，講他和何雁詩搵天山雪蓮，所有對白便全出自祖藍創作。
|
鍾意就快D Share啦！
|
|
|
