網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月29日 星期四

[壹週刊 1264] 眼光獨到 膠劇陸續有來 無綫高價買爛劇《步步驚情》 M1,




因為第一集爆紅,帶挈《步步驚情》被無綫睇中用高價買入,吳奇隆同劉詩詩更情侶檔做宣傳,可惜膠劇始終係膠劇。

探熱針

眼光獨到 膠劇陸續有來 無綫高價買爛劇《步步驚情》

自恃慣性收視的無綫,選擇在黃金時段推出世紀膠劇《西遊記》,結果劇集屢創收視新低,甚至影響整個黃金時段,全線節目收視被拖垮,令廣告商詐曬型。

行錯棋計錯數豈止《西遊記》!無綫近年頻頻以有殺錯無放過方針買外購劇,以杜絕對手執到好嘢,可惜眼光不如人,結果變成高價買爛劇,當中包括以四百五十萬,購入由吳奇隆、劉詩詩主演的《步步驚心》第二集《步步驚情》,以為加埋已過氣的韓劇《來自星星的你》,雙箭頭谷起收費劇集台。點知算盤打唔響,《步 2》在大陸由開播被插到大結局,無綫眼光,十分「獨到」!

插到爆

有買趁手!眼見內地劇《步步驚心》爆紅,無綫一於唔執輸,搶贏有線購入第二集:《步步驚情》。由於有第一集男女主角吳奇隆、劉詩詩冧莊,以為靠得住的無綫出價特別鬆手,比以前高出接近一倍,以每集一萬五千元美金(約港幣十一萬七千元)價錢計,全劇三十九集盛惠四百五十多萬港幣,成功搶到香港播映權。

以為執到寶!點知《步步驚情》在內地由開播到大結局,都被觀眾插到飛起,由於劇集質素無法與第一集相提並論,即使有男女主角吳奇隆同劉詩詩公開戀情谷宣傳,對收視依然毫無幫助,無綫想靠此劇谷起收費電視「煲劇台」的鴻圖大計,全盤泡湯。

當然要食番上集條橋,古今超越,不過今次被插劇情牽強。

《膠遊記》在無綫播映以來都收視插水。

無綫總經理李寶安,早前承認被小米盒子等電視盒子,影響到收費台生意。

救唔番

「大陸有限制令,除咗電影,劇集唔可以拍穿越題材,所以《步步驚情》個劇本改完又改。但因為要食番上集古裝情節,講女主角發夢返咗清朝,點知審批過唔到,於是要再拍再剪過,變成女主角係追劇迷,幻想自己去咗清朝,結果搞到啲劇情好夾硬又唔合理,雖然無綫依家播嘅唔同大陸嗰個版,但個劇本已經改到不倫不類,所以都救唔番。」一名無綫人說。

無綫近年對搶外購劇毫不手軟,原因是防止對手執到好嘢,甚至不惜將價錢搶高三成到五成,以本傷人。

《來自星星的你》在香港爆紅,無綫用萬五元(美金)一集搶到播映權,點知攤凍曬先嚟播,吸引唔到人俾錢再睇。

另一套大熱韓劇《繼承者門》,無綫都放埋一邊一段時間,最近先安排在收費台播出。

每逢有自己小生花旦擔正的大陸劇,無綫大多數都會購買,免得藝人在其他台出現,早前就買了林峯主演、葉璿有份投資的《紫釵奇緣》,安排在高清台播出,反應麻麻。

年前在大陸勁爆的《甄嬛傳》,被有線電視買入,兼且有好收視,令到無綫唔敢再俾人買到好劇,乜劇都照買咗先。

後知後播

在商言商,搶到紅爆韓劇《來自星星的你》和《繼承者門》,唔益人的策略亦無可厚非,可惜有時捉到鹿唔識脫角,最佳例子,是劇集在韓國播完,兩個月後才配好音放在收費煲劇台播;奈何所有劇迷早已同步上線即時睇。甚至下載,睇完再

翻睇。

無綫歎慢板,得物無所用。

爛劇之王

無綫除了囤積不少爛劇外,亦經常安排旗下藝人返內地接拍爛劇賺錢,早前有大陸傳媒公開狠評 TVB小生花旦包括林峯、鄭嘉穎、佘詩曼及胡杏兒等,為求北上賺人仔,唔理劇集質素乜都拍,憑《步步驚心》大紅的鄭嘉穎,更成眾矢之的,被封為爛劇之王。

《葉問》

《步步驚心》



鍾意就快D Share啦!


Related Posts Plugin for WordPress, Blogger...