2014年8月13日 星期三

[FACE 377] 陳嘉容衰多口 亂爆 GD嫌矮 GD,陳嘉容,G-DRAGON,MF,




香港切 cake

活動後,大會安排咗一個蛋糕送畀 GD,睇 GD嘅眼神就知佢好感動啦。

全知言

陳嘉容衰多口 亂爆 GD嫌矮

IGBANG隊長 G-Dragon又嚟香港喇!

上個月 29號, G-Dragon先同 BIGBANG嘅隊友勝利同太陽嚟香港出席手機遊戲「神魔之塔」見面會,事隔 1星期, GD再喺上星期三( 6日)單拖嚟香港出席另一品牌活動。

可能因為今次嚟香港係為咗一個手袋品牌,同上次為手機遊戲來港唔同,今次 GD明顯嚴肅咗。不過貴為 K-pop一哥嘅 GD都算合作嘅,喺佈景板前企足兩分鐘任影。全知言仲發現,活動後有份出席活動嘅過氣 model齊齊搵 GD集郵。不過 VIP( BIGBANG對 fans稱呼)唔使妒忌住,事關最嬲一定唔係合照,而係陳嘉容喺接受內地媒體訪問嗰陣爆 GD擔心自己矮,「他說我很高,合照會顯得他比較矮小……他一點都不矮小,只是我穿了高跟鞋。」

計我全知言話齋,你高過 GD又有咩用?事關 GD先係主角。活動後,品牌即安排咗個生日蛋糕,同本月 18日就 26歲生日嘅 GD提早慶生。陳嘉容姨姨,版位唔係咁上㗎!

最近盛傳 GD將會同周大福又推出聯乘系列,網上更有 GD示範金飾相流出,本地 VIP可能好快又會見到 GD喇!

GD嘅官方身高係 177cm,而陳嘉容就 178cm,大家拍埋高度有距離,其實只係陳嘉容着咗對 4吋高踭鞋啫。

網上圖片

GD去到邊,正常都會見到呢啲場面。

網上圖片



鍾意就快D Share啦!
Related Posts Plugin for WordPress, Blogger...