2014年8月13日 星期三

[FACE 377] 屢敗屢戰 失婚撈基金 小雪大隻 oppa型過晒前夫 小雪,MF,




在澳洲定居的小雪,外貌同十幾年前出道時冇乜分別, keep得勁好!

真面目

屢敗屢戰 失婚撈基金 小雪大隻 oppa型過晒前夫

原名蔡雪敏的小雪, 04年與唱片公司 BMA解約後,先後同永安旅遊前太子爺陳迅元及澳洲籍華裔酒樓老闆陳先生結婚,可惜遇人不淑,兩段婚姻都離婚收場。

前夫唔生性, 35歲小雪在澳洲獨力養一對仔女,現時在當地一間投資公司工作,間中接登台騷賺快錢,尚算搵到食。據知暫時唔使憂心生計的小雪,今年初識到身材高大的韓仔男友,比起兩任前夫都靚仔得多。反正醜男都係冇本心,梗係揀個型㗎

小雪任職的投資公司,在澳洲規模頗多,業務包括地產、基金、旅遊及教育。

育有 10歲大女 Ronni及 5歲細仔 Rocco的小雪,前年一家三口移民澳洲,點知老公唔生性,結婚 6年,今年終於決定離婚做單親媽媽。

韓籍新仔 6呎高

曾被前夫拖欠贍養費連律師費共 30幾萬,第二任丈夫又只肯每星期俾 500蚊澳紙(約 3,600港元)養仔,好在小雪肯搏肯捱,現時在當地投資公司 Positive Investment Enterprise做基金,唔使靠男人都生活到。生活安定,小雪離婚後即火速在澳洲搵到新男友。新仔係韓裔 oppa,身高 6呎高大有型,而且係專業人士,在當地醫院工作,雖然比小雪細幾年,但性格合拍,而且新仔唔介意小雪有仔女,「一家四口」生活得非常開心。對於新男友,小雪只回覆︰「我生活得好好,不用擔心。」希望呢次個韓仔男友,真係唔使擔心

小雪極之疼錫一對仔女,即使離婚仍堅持獨力養大佢哋。

《蘋果日報》圖片

韓仔 oppa屬於陽光型大隻仔,同小雪外形合襯,仲識寫字條冧女友添!

第一任丈夫陳迅元因偷食「大乳牛」蔡慧敏,最終搞到離婚收場。《蘋果日報》圖片



鍾意就快D Share啦!
Related Posts Plugin for WordPress, Blogger...