5/8 7:30pm
上週二本刊發現蕭正楠拖翠如 BB去九龍灣宜家家居睇大床，二人主攻雙人床，睇價錢時仲有商有量添！
真面目
愛回家 黃翠如搬新竇 蕭正楠陪買大床
黃翠如自 5月斷正上蕭正楠屋企過夜後，二人從此不再避忌，大方出埠拍拖旅遊，愛得痴纏。
拍拖唔夠 1年，仍處蜜月期，自然想見多對方幾面，一直跟家人同住的翠如 BB，加入大台後有唔少劇擔正，財政鬆動下，近日在同一屋苑花萬多元租下一個細單位自住。上週本刊發現蕭正楠陪住翠如 BB到九龍灣揀大床，二人身貼身睇傢俬，又有商有量，似足新婚夫妻咁款，連床及其他床上用品都一齊揀，真係愛能勝邪！
「暫時未有新劇開，翠如會上綜藝節目先。」
自世界盃期間播映《走過足球聖地》後，翠如 BB擔正的新劇《師奶 Madam》仍未播映，其經理人也承認翠如仍未接到新劇本。既然未有工開，翠如 BB專心拍拖。
租細單位方便拍拖
37歲蕭正楠自 5月被爆跟何傲芝甩拖，撻着 32歲黃翠如後，二人即四圍拍拖。為爭取更多見面時間，翠如 BB亦不只一次被拍到返男友位於華景山莊屋企過夜。據知翠如 BB一直與家人同住馬鞍山聽濤雅苑，但自加入大台後收入變得穩定， 32歲女開始想學習獨立，加上拍劇時間不定，唔想半夜三更返家嘈醒屋企人，故翠如 BB早前已密密睇樓，近日已租住同屋苑一個細單位，方便返家飲媽咪靚湯，又可以跟男友有更多私人空間。
小禮物冧蕭父母
新居入伙，翠如亦忙於為新屋添傢具，上週本刊發現蕭正楠和翠如 BB在九龍灣宜家拍拖睇傢俬，更主攻大床及床上用品。期間蕭正楠不斷在旁畀意見，據蕭正楠身邊人話，蕭正楠同翠如相處得好好，亦都見過翠如屋企人，大家都對蕭正楠好客氣，而蕭正楠屋企人亦好鍾意翠如 BB，一來翠如氹老人家有一手， 2來雖然只見過 2次面，但每次都會買見面禮，好有禮貌。
二人只係拍拖幾個月，始終未諗到正式同居，不過打得如此火熱，遲早嘅事
正楠多情趣
自 5月被踢爆拍拖後， 3個月來，蕭正楠不斷製造小情趣俾
翠如 BB，溫馨過唔
少圈中情侶。
2/6 沙灘漫步
拍拖仍處於熱戀期，蕭正楠冧女都有一手， 6月 2日二人被拍到端午節正日假期拖手漫步人頭湧湧淺水灣，仲玩踢水， 37歲蕭正楠原來仲有 1顆少男心。
18/7 大馬蜜月
馬航客機墜毀無幾耐， 7月中翠如 BB就同蕭正楠齊齊放假去馬來西亞，掛名探朋友，實質就預支蜜月。 18日返港時仲被記者影到，不過二人堂堂正正笑晒現身，唔怪得蕭正楠後來回覆記者時話：「和她一起，沒甚麼可怕…」
|
鍾意就快D Share啦！
|
|
|
