2014年8月13日 星期三

[FACE 377 外地娛樂] 本週美圖 碧咸大仔索女友 把口辣過指天椒 碧咸,MF,




也許有人會質疑我的家教,覺得我的家人毀了我,但我知道這是我的選擇。作為社交媒體,它的確能拉近人與人之間的距離,我經常用它來宣傳電影。但我不會說私事或是洩憤,這樣做不太明智。 Chloë來自虔誠基督教家庭,祖先有德國、英格蘭、蘇格蘭及威爾斯等血統,所以 Chloë樣貌帶啲歐洲味,同典型美國少女唔同。網上圖片

全知言

本週美圖 碧咸大仔索女友 把口辣過指天椒

喺電影《勁揪俠》內飾演勁有個性的少女殺手「紫天椒」嘅辣妹 Chloë Moretz,最近因為同細佢兩年嘅「萬人迷」碧咸 15歲大仔 Brooklyn撻着而全球響朵。

Chloë Grace Moretz

出生日期: 1997年 2月 10日

身高: 164cm

出身地:美國亞特蘭大

Chloë同 Brooklyn最近被影到喺洛杉磯一齊玩滑板,報道仲話兩人已交往 3個月,碧咸同老婆維多利亞都祝福佢哋咁話。查實 Brooklyn得嗰 15歲人仔,咁快祝福佢哋會唔會誇張咗?

咪睇 Chloë得嗰 17歲女細細粒,其實佢 04年已經做童星,拍過 36部電影, 10年仲憑《噬血童話》攞過美國土星獎(由科幻、奇幻及恐怖電影學院舉辦的年度影視頒獎禮)嘅最佳年輕演員。愈大愈靚的 Chloë近年更被唔少時尚雜誌邀請做封面女郎。

不過人叻自然寸嘴,最近 Chloë被問到佢係咪同 Brooklyn拍拖,佢竟然寸男友唔顧安全,「佢踩短板而我踩長板。我認為佢係一個典型嘅冒險家,喺人群中穿插,而我係一個安全嘅玩家,我唔想斷骨住!」食住晒 Brooklyn喎!

被影到同碧咸大仔攬住玩滑板,但寸嘴 Chloë唔認拍拖。網上圖片

Chloë好鍾意玩 twitter,經常 po新相,所以引來唔少人關注,至今已經儲超過 1百萬追隨者。

「紫天椒」雖然經常爆粗,但 Chloë話好欣賞呢個角色,「她雖然經常講粗口,但青菜蘿蔔各有所好,觀眾肯定對她的個性行為褒貶不一,但這很正常,沒甚麼好介意。」

愈大愈靚,又熱衷去各大時裝騷, Chloë火速成為潮人,登上時尚雜誌封面。

04年, 7歲嘅 Chloë已經做童星。當時個樣邊有𠵱家咁精緻!



鍾意就快D Share啦!
Related Posts Plugin for WordPress, Blogger...