掃呢頁CODE去手機

2014年8月13日 星期三

[FACE 377] 企住中槍 自讀刻毒負評 欣宜:來來去去都係豬 欣宜,MF,




全知言

企住中槍 自讀刻毒負評 欣宜:來來去去都係豬

識睇,一定睇 comment。呢個年代,做得藝人,除咗要面對工作壓力,仲要面對網民嘅批評,有啲仲好刻毒涼薄㗎!真係唔係個個頂得順。

近年美國有個節目專搵班明星讀出網友對自己嘅批評,再睇個星有乜反應。香港班星連食嘢都驚你影得佢唔靚,惟獨喺外國長大,又由細被笑到大嘅欣宜百毒不侵。今期全知言專登搵咗欣宜做頭炮,親自讀出高登巴打絲打對佢嘅惡評。當中唔少網民都笑佢似豬,不過欣宜都只係「嘟」一「嘟」嘴,一啲都唔嬲,仲識講笑話惡評冇初出道時咁毒咁好笑。

識睇,一定要睇欣宜自讀負評嘅反應(睇片)







總結:我覺得比起 10年前啱啱開始嗰時,個創意低咗囉,冇咁好笑呀。我記得以前係:『當鄭欣宜企上磅嘅時候,彈出嚟嘅數字,竟然係佢手提電話,哈哈!』嗰啲得意啲。𠵱家來來去去都係講豬嘅!冇誠意!哈哈哈……。

巨星齊齊玩

明星自讀網民負評呢個 idea,來自 ABC電視台名嘴嘅清談節目《 Jimmy Kimmel Live》其中一個叫「 Celebrities read mean tweets」環節。節目每次都請一班藝人,當中更有巨星如 Sharon Stone、 Katy Perry等,自讀網友喺 twitter對自己嘅惡評,唔少觀眾笑到流眼淚。

名嘴 Jimmy個騷每晚深夜時份出街,所以尺度比較寬鬆。有啲網友對星嘅批評會夾雜粗口,踩得好盡。

Katy Perry戲屎

網友話情願斬咗自己隻手,都唔想睇到 Katy Perry演戲。不過 Katy冇嬲,仲話會面對。

Kristen Stewart似男人

網友話如果 Kristen Stewart係男人,會鍾意佢多啲。一向脾氣臭嘅 Kristen,竟擺出「抓雀」甫士,同網友一齊癲。

Aaron Paul下體細

被網友人身攻擊笑下體細, Aaron只係「 O」嘴無言。



鍾意就快D Share啦!